دومبىرا ءۇنى مەن قىمىزدىڭ ءدامى ماڭگى ەسىمدە قالادى - رەسەي جازۋشىسى
«وسىدان جارتى عاسىر بۇرىن قازاقستاندا، كوپ ۇلتتى ەڭبەكشىلەردىڭ شاعىن عانا قاراتاۋ قالاسىندا دۇنيەگە كەلدىم. اكەم رەسەي ورىسى، ال انام سەمەي قالاسىنىڭ تاتارى. جارتى ءومىرىمدى قازاقستان، جارتىسىن رەسەيدە وتكىزدىم. جۇرەگىم دە ءبىزدىڭ وسى ەكى ەلىمىزدىڭ اراسىندا ءبولىنىپ تۇر. الەمنىڭ كوپتەگەن ەلدەرىن ساپارلاپ، ۇلكەن جانە كىشى، باي جانە كەدەي ەلدەردى كوردىم. ءبىراق، قازاقتىڭ كەڭ دالاسى، قار باسقان تاۋ شىڭدارى، دومبىرا ءۇنى مەن قىمىزدىڭ ءدامى ەش ۋاقىتتا ەسىمنەن كەتپەيدى. مۇنىڭ بارلىعى دا مەنىڭ جادىمدا ءارى ماڭگى قالدى»، - دەدى ول.
سونىمەن قاتار رەسەيلىك قالامگەر ءوزىنىڭ بارلىق كىتاپتارىندا قازاقستان جانە ونىڭ حالقى، داستۇرلەرى مەن مادەنيەتى جايىندا دەرەكتەر بولاتىندىعىن باسا ايتتى.
«نۇرسۇلتان ءابىش ۇلى، بىردە ءسىز: «حالىقتىڭ بىرلىگىن ساقتاپ، نىعايتۋ - ەڭ جوعارى ىزگىلىك»، دەگەن ەدىڭىز. قازاقستاننىڭ كوپۇلتتى حالقى جينالعان وسى زالدا تۇرىپ مەن قازاقستان حالقىنىڭ وسىناۋ ىزگىلىككە ادال ەكەندىگىنە تاعى كوز جەتكىزدىم. اسسامبلەياعا قوناق رەتىندە كەلسەم دە ءوزىمدى جات سەزىنىپ تۇرعانىم جوق. ويتكەنى، قازاقستان مەنىڭ كىشى ءارى سۇيىكتى وتانىم، تۋعان جەرىم. مەن سىزدەردىڭ تابىستارىڭىزعا ماقتانىپ، جەتىستىكتەرىڭىزگە قۋانامىن»، - دەدى سەرگەي لۋكيانەنكو.
اۆتور: مارلان جيەمباي
