نازاربايەۆ ءوزىنىڭ العاشقى جاتاقحاناسىن ەسىنە الدى
بۇل تۋرالى قازاقستان حالقى اسسامبلەياسىنىڭ XXVI سەسسياسىندا ايتىلدى، دەپ حابارلايدى Stan.kz اقپاراتتىق اگەنتتىگى.
بۇگىن استانادا قازاقستان حالقى اسسامبلەياسىنىڭ XXVI سەسسياسى وتۋدە. جينالىس بارىسىندا نازاربايەۆتىڭ بەس الەۋمەتتىك باستاماسى جانە ونىڭ جاستارعا ارنالعان جاتاقحانالار تۇرعىزۋ تاپسىرماسى جايلى اڭگىمەلەندى.
«مەنىڭ العاشقى جاتاقحانام تەمىرتاۋداعى شاتىر بولدى. دالا بوران، اياز. قاراعاندى مەتاللۋرگيالىق كومبيناتىنىڭ قۇرىلىسى باستالىسىمەن كومسومول جولداماسى بويىنشا جىبەرىلگەن 30 ادام سول ۋاقىتتا شاتىردا تۇرعان ەدىك. سودان كەيىن قاراعاندىداعى جاتاقحانادا تۇردىق. جاتاقحانانىڭ مەكەن- جايى مەن بولمەنىڭ ءنومىرى ءالى كۇنگە دەيىن ەسىمدە. بۇل كەزەڭ وتە جاقسى ەستە قالدى» ، - دەپ ەسىنە الدى نازاربايەۆ.
ايتا كەتەيىك، ەلباسى 2022 -جىلدىڭ سوڭىنا قاراي كەم دەگەندە 75 مىڭ ورىندىق ستۋدەنتتىك جاتاقحانا سالۋدى تاپسىردى.
