استانا كۇنىن ارتىق شىعىنسىز تويلاۋ قاجەت - ق ر پرەزيدەنتى
«بيىل ءبىز استانامىزدىڭ 20 جىلدىعىن تويلايىن دەپ وتىرمىز. ەلوردا - جالپىحالىقتىق بىرلىك پەن كەلىسىمنىڭ سيمۆولى. بۇرىنعى شاعىن عانا اقمولا بۇگىندە ۇلكەن استاناعا اينالدى. حالىقتىڭ سانى 1 ميلليوننان استى. جاقىندا ءبىز قالانىڭ دامۋ بولاشاعىن قاراستىرعان ەدىك. 30- جىلعا دەيىن قالا حالقى 2 ميلليونعا جەتەدى دەگەن بولجام بار. وسىلايشا، استانادا 2ميلليون ادام، الماتىدا شامامەن 3 ميلليون ادام، ءدال وسىنداي ءىرى قالالاردا عىلىم، ءبىلىم، مادەنيەت پەن تەحنولوگيالار داميدى. ۋربانيزاتسيانى توقتاتا المايمىز. ادامدار قالاعا كوشكىسى كەلەدى. استانا دا ۇلكەن «قازانعا» اينالدى. بۇل جەرگە ادامدار وتانىمىزدىڭ تۇكپىر- تۇكپىرىنەن كەلىپ، ءوز جۇمىسىن، ءوز باقىتىن، ءوز باسپاناسىن تاپتى»، - دەدى ن. نازاربايەۆ قازاقستان حالقى اسسامبلەياسىنىڭ XXⅥسەسسياسىندا.
مەملەكەت باسشىسى الداعى استانانىڭ 20 جىلدىعىن ابىرويمەن اتقارۋدى تاپسىردى. «سوندىقتان ق ر مادەنيەت جانە سپورت مينيسترلىگى مەن استانا اكىمدىگى ارنايى جوسپاردى ازىرلەۋى ءتيىس. ول كۇندى ارتىق شىعىنسىز اتاپ ءوتۋىمىز كەرەك. ءبارىن ابىرويمەن اتقارايىق. سوسىن قازاقستان حالقى اسسامبلەياسىنىڭ مادەني شارالارىن جاقسىلاپ تۇرىپ ۇيىمداستىرۋ قاجەت. سەبەبى ولار جەرگىلىكتى جەردەگى ۇيىمدارعا ۇلگى بولىپ وتىر» - دەپ اتاپ كورسەتتى ن. نازاربايەۆ.
ايتا كەتەيىك، بۇگىن بەيبىتشىلىك جانە كەلىسىم سارايىندا ەلباسى نۇرسۇلتان نازاربايەۆتىڭ توراعالىعىمەن قازاقستان حالقى اسسامبلەياسىنىڭ XXⅥسەسسياسى باستالدى. ق ر پرەزيدەنتى نۇرسۇلتان نازاربايەۆ استانادا دوستىق ءۇيىن اشۋدى تاپسىردى.
