ەلباسى: الەۋمەتتىك كاپيتالدى كۇشەيتۋ ارقىلى قازاقستان بولاشاعىن بەكەمدەپ جاتىر
«وسى جىلداردىڭ ىشىندە 1300 زاماناۋي مەديتسينالىق قۇرىلعىلارمەن قامتىلعان اۋرۋحانا، ەمحانا مەن امبۋلاتوريا اشىلدى. وسىنىڭ ارقاسىندا قازاقستاندىقتاردىڭ ءومىر ۇزاقتىعى جاقسارىپ، ءولىم- ءجىتىم ازايدى، انالارعا قولداۋ كورسەتىلدى. 1545 جاڭا مەكتەپ، 500-دەن استام بالاباقشا - ءبىزدىڭ بالالاردىڭ بولاشاعىنا سالىنعان سالىم. 70 ستاديون، 36 سپورت سارايى، 70 مىڭنان استام سپورتتىق الاڭ اشىلدى. بۇل - قازاقستاندىقتاردىڭ دەنساۋلىعى مەن بالالاردىڭ بولاشاعى ءۇشىن جاسالىپ جاتىر. مۋزەيلەردىڭ سانى 2,7 ەسەگە، تەاترلار 1,5 ەسەگە، كىتاپحانالار 4 ەسەگە كوبەيدى. ەشقاشان تاريحتا قازاقستان اۋماعىندا وسىنداي قىسقا عانا ۋاقىتتىڭ ىشىندە وسىنشاما كوپ الەۋمەتتىك نىسان سالىنباعان»، - دەدى مەملەكەت باسشىسى.
پرەزيدەنت ءوز سوزىندە وسىناۋ الەۋمەتتىك- مادەني جانە سپورتتىق نىساندار ەلدىڭ بارلىق ازاماتتارى ءۇشىن جۇمىس ىستەپ تۇرعانىن، ءاربىر قازاقستاندىق ءوزىنىڭ كۇندەلىكتى ەڭبەگى ارقىلى ەل دامۋىنا ءوز ۇلەسىن قوسىپ جاتقانىن اتاپ ءوتتى.
«وسىلايشا، ءبىز كۇندەلىكتى ومىردە بالكىم ۇمىتىپ، بايقاماي دا جۇرگەن شىعارمىز. ءبىزدىڭ بارلىعىمىز بۇكىل ەل بولىپ قازاقستاننىڭ ءوسىپ كەلە جاتقان الەۋەتىنە ۇلەس قوسىپ كەلەمىز. ەلىمىز قانشالىقتى باي بولسا، مەملەكەتىمىزدىڭ ءاربىر ازاماتى سونشالىقتى داۋلەتتى بولادى»، - دەدى پرەزيدەنت.
نۇرسۇلتان نازاربايەۆ الەۋمەتتىك كاپيتالدى كۇشەيتۋ ارقىلى قازاقستان بولاشاعىن بەكەمدەپ جاتقانىن تىلگە تيەك ەتتى.
«بۇل - پراگماتيكالىق شىندىق. سەبەبى، الەۋمەتتىك كاپيتال - ادام مەن قوعامنىڭ ءوسۋىن مۇرىندىق بولاتىن الەۋەت. جان باسىنا شاققاندا ىشكى جالپى ءونىم باعىتىندا ءبىز ۇزاق جولدى باسىپ وتتىك: 600 دوللاردان 10 مىڭ دوللارعا دەيىن جەتتىك. ديەۆالۆاتسيا بولماعان جاعدايدا ءبىز كورسەتكىش ودان دا جوعارى بولار ەدى. الەۋمەتتىك كاپيتالعا ينۆەستيتسيانى ارتتىرۋعا مۇمكىندىك بەرەتىن بازا دا - وسى. ءبىر عانا مىسال: قاڭتار ايىندا بۇكىل الەمدىك ەكونوميكالىق فورۋمدا مەملەكەتتەردىڭ ەكونوميكا اۋقىمىن باعالاۋدىڭ جاڭا جۇيەسى ەنگىزىلدى. ول - ەكسكليۋزيۆتى دامۋ يندەكسى دەپ اتالادى. ول ج ءى و- ءنىڭ وسىمىمەن جانە وزگە دە 11 پارامەترمەن ەسەپتەلەدى. وسى 11 پارامەتردىڭ ىشىندە ەڭ باستىسى - ءال- اۋقاتقا ماڭىز بەرىلدى. مىنە، دامۋشى 74 مەملەكەت ەنگەن رەيتينگتە قازاقستان 15- ورىن الدى. مەنىڭ ويىمشا، بۇل ءبىزدىڭ جۇمىستىڭ لايىقتى ناتيجەسى دەگەن ويدامىن»، - دەدى نۇرسۇلتان نازاربايەۆ.
ايتا كەتسەك، ەلورداداعى بەيبىتشىلىك جانە كەلىسىم سارايىندا ەلباسى نۇرسۇلتان نازاربايەۆتىڭ توراعالىعىمەن قازاقستان حالقى اسسامبلەياسىنىڭ XXⅥسەسسياسى ءوتىپ جاتىر.
«بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى» دەگەن كۇن تارتىبىمەن باستالعان سەسسيا جۇمىسىنا 1500-دەن استام ادام قاتىسۋدا. ولاردىڭ قاتارىندا ەلدىڭ بارلىق وڭىرلەرىنەن كەلگەن اسسامبلەيانىڭ ارداگەرلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ ءتوراعالارى، پارلامەنت دەپۋتاتتارى، ورتالىق اتقارۋشى ورگانداردىڭ، ساياسي پارتيالاردىڭ، ءدىني بىرلەستىكتەردىڭ، ۇكىمەتتىك ەمەس ۇيىمداردىڭ باسشىلارى، جوو رەكتورلارى، شەت مەملەكەتتەردىڭ ديپلوماتيالىق ميسسيالارىنىڭ، عىلىمي، شىعارماشىل زيالى قاۋىمنىڭ جانە باق- تىڭ وكىلدەرى بار.
سەسسيا سوڭىندا سالتاناتتى كونسەرت وتەدى.
اۆتور: ايان بەكەن ۇلى
