ق ر پرەزيدەنتى: اسسامبلەيا ەلىمىزدىڭ تاتۋلىعى مەن تۇراقتىلىعىنىڭ باستى كەپىلى
«اسسامبلەيا قۇرىلعان كۇننەن باستاپ ەلىمىزدەگى مىزعىماس بىرلىكتىڭ ۇيىتقىسى، سارقىلماس بەرەكەنىڭ باستاۋى بولىپ كەلەدى. بۇگىنگى كۇنى ول ەلىمىزدىڭ تاتۋلىعى مەن تۇراقتىلىعىنىڭ ەڭ باستى كەپىلى. ءاردايىم ەلدىك ىستەردىڭ باسىندا جۇرەتىن اسسامبلەيا مەنىڭ ىرگەلى باستامالارىمدى ءار ۋاقىتتا قولداپ، حالىققا ءتۇسىندىرىپ جۇرەدى. قازاقستان سان- قىرلى جاڭعىرۋعا بەت بۇرعان قازىرگى تاڭدا اسسامبلەياعا دا تىڭ مىندەتتەر جۇكتەلەدى»، - دەپ اتاپ ءوتتى ەلباسى.
مەملەكەت باسشىسى بۇگىنگى سەسسيا «بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى» دەپ اتالاتىندىعىن ەسكە سالدى.
«مەن ناۋرىز ايىندا الەۋمەتتىك جاڭعىرۋ جولىنداعى پرەزيدەنتتىڭ بەس باستاماسىن ۇسىنعانىمدى وزدەرىڭىز بىلەسىزدەر. بەس باستاما ەلدىڭ ءال- اۋقاتىن جاقسارتۋمەن بىرگە ۇلتتى ۇيىستىرا ءتۇسۋدىڭ تاعى ءبىر قىرى - الەۋمەتتىك بىرلىكتى نىعايتۋعا باعىتتالعان. ونىڭ تابىستى جۇزەگە اسىرىلۋى ازاماتتاردىڭ ءوز بولاشاعىنا، مەملەكەتىنە، قوعامىنا، قالا بەردى ءبىر- بىرىنە دەگەن سەنىمىن ارتتىرادى. بىزدە حالىقتىڭ كۇندەلىكتى ومىرىنە تۇبەگەيلى وزگەرىس اكەلەتىن مۇنداي الەۋمەتتىك باعدارلاما بۇرىن بولعان ەمەس. وسىنىڭ بارلىعى تاۋەلسىزدىك جىلدارىندا قازاقستاندى ءتۇرلى پالە- جالادان ساقتاپ كەلە جاتقان ەلدىگىمىزدىڭ بويتۇمارى - ەل بىرلىگىن قاسيەت تۇتا بىلگەنىمىزدىڭ ارقاسى»، - دەدى نۇرسۇلتان نازاربايەۆ.
قازاقستان پرەزيدەنتى دۇنيەجۇزىندە كوگىندە تۋى، تورىندە بيلىگى بولسا دا بىرلىگى قاشىپ، بۇگىنى بۇلدىر، بولاشاعى بۇلىڭعىر بولعان قانشاما مەملەكەتتىڭ بار ەكەندىگىن باسا ايتتى.
«؟بىز وسىنى بەرىك ۇستانىپ مىزعىماس ىنتىماق- بىرلىگىمىزدى تاۋسىلماس ىرىس- بەرەكەمىزدىڭ باستاۋى ەتىپ، سەنىممەن قادام باسىپ كەلەمىز. وسى جولدان تايماۋىمىز كەرەك. وسى بىرلىكپەن جۇرەتىن بولساق، بارلىق قيىندىقتاردى ەڭسەرەمىز. حالىقتىڭ ءال- اۋقاتىن جاقسارتۋعا قىزمەت ىستەيمىز»، - دەدى ەلباسى.
«بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى» دەگەن كۇن تارتىبىمەن باستالعان سەسسيا جۇمىسىنا 1500-دەن استام ادام قاتىسۋدا. ولاردىڭ قاتارىندا ەلدىڭ بارلىق وڭىرلەرىنەن كەلگەن اسسامبلەيانىڭ ارداگەرلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ ءتوراعالارى، پارلامەنت دەپۋتاتتارى، ورتالىق اتقارۋشى ورگانداردىڭ، ساياسي پارتيالاردىڭ، ءدىني بىرلەستىكتەردىڭ، ۇكىمەتتىك ەمەس ۇيىمداردىڭ باسشىلارى، ج و و رەكتورلارى، شەت مەملەكەتتەردىڭ ديپلوماتيالىق ميسسيالارىنىڭ، عىلىمي، شىعارماشىل زيالى قاۋىمنىڭ جانە ب ا ق- تىڭ وكىلدەرى بار.
سەسسيا سوڭىندا سالتاناتتى كونسەرت وتەدى.
ق ح ا- نىڭ «ورتاق شاڭىراعىمىزداعى بەيبىتشىلىك پەن كەلىسىم ءۇشىن» اتتى ەڭ العاشقى سەسسياسى ۇيىمدى قۇرۋ باعىتىندا 1995 -جىلى ۇيىمداستىرىلعان ەدى. سودان بەرى 25 سەسسيا وتكىزىلىپ، ولاردىڭ بارلىعىندا قوعام ءۇشىن ماڭىزى زور ماسەلەلەر تالقىلاندى. 2018 -جىلدىڭ 1 - توقسانىنداعى جاعداي بويىنشا، قازاقستاندا 29 رەسپۋبليكالىق، 75 وڭىرلىك جانە 530 جەرگىلىكتى تىركەلگەن ەتنومادەني بىرلەستىك جۇمىس ىستەيدى.
اۆتور: مارلان جيەمباي
