اس سوداسىنىڭ ەشكىم كۇتپەگەن پايداسى انىقتالدى

 استانا. قازاقپارات - ا ق ش- تا مەديتسينا كوللەدجىنىڭ ماماندارى اس سوداسىنىڭ قاۋىپتى اۋتويمۋندى اۋرۋلاردان قورعايتىنىن انىقتادى.

بۇل تۋرالى ريا نوۆوستيگە سىلتەپ Stan.kz اقپاراتتىق اگەنتتىگى حابارلايدى.

زەرتتەۋشىلەردىڭ سوزىنە سەنسەك، اس سوداسىن سۋعا ارالاستىرىپ ءىشۋ ارقىلى - ريەۆماتويدتى ارتريت پەن قىزىل جەگى اۋرۋىنىڭ الدىن الۋعا بولادى. تاجىريبە بارىسىندا اس سوداسى تىشقاندارعا بەرىلدى. دارىگەرلەر اسقازان قىشقىلىنىڭ تۇزىلۋىنە سەپتىگىن تيگىزەتىنىن دالەلدەدى. ال قىشقىل ءوز كەزەگىندە پاتوگەندى جاسۋشالاردى ءولتىرىپ، اس قورىتۋعا كومەكتەسەدى.

سونداي- اق، دارىگەرلەردىڭ بولجامىنشا، سودا كوكباۋىرعا تۇسەتىن سالماقتى ازايتادى. وسىلايشا ءىسىپ- قىزارۋ پروتسەسىن تۋدىراتىن م1  ماكروفاگىنىڭ مولشەرى ازايىپ، قابىنۋعا قارسى م2  جاسۋشالارىنىڭ سانى ارتادى. سونداي- اق، سودا بۇيرەككە وڭدى اسەرىن تيگىزەدى.

زەرتتەۋ اۆتورلارىنىڭ ءبىرى، فيزيولوگ پول و'كوننوردىڭ ايتۋىنشا، بۇيرەك اۋرۋلارى كەزىندە قان قاتتى قىشقىلدانۋى مۇمكىن. ال ول ءوز كەزەگىندە جۇرەك- قان تامىرلارى اۋرۋلارى مەن وستەوپوروز دەرتىنە شالدىعۋ ءقاۋپىن ارتتىرادى. ال انتاتسيد بۇل پروتسەسستى تەجەيدى.

«كلينيكالىق زەرتتەۋ بارىسىندا سودا ارقىلى قاننىڭ قىشقىلدانۋىن تومەندەتىپ قانا قويماي، بۇيرەك اۋرۋىن توقتاتۋعا بولاتىنى انىقتالدى»، - دەيدى عالىم.