تايلاندتا ينسۋلت العان ادام ساناۆياتسيا ارقىلى استاناعا جەتكىزىلدى

استانا. قازاقپارات- 27- ءساۋىر كۇنى سانيتارلىق اۆياتسيا بورتى تايلاندتا ينسۋلت العان تەمىرتاۋ قالاسىنىڭ تۇرعىنىن استاناعا جەتكىزدى، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

«ناۋقاس ادام ارنايى مەديتسينالىق قۇرالدارمەن جابدىقتالعان سانيتارلىق اۆياتسيا جانە بىلىكتى دارىگەرلەر بريگاداسىنىڭ كومەگىمەن جەتكىزىلدى. قازىر ول ءجىتى باقىلاۋدا»، - دەپ جازىلعان حابارلامادا.

ۆەدومستۆونىڭ حابارلاۋىنشا، جىل باسىنان بەرى شەتەلدەردەن قازاقستانعا جاعدايى ناشارلاعان 6 ادام جەتكىزىلگەن. تاسىمالداۋ جۇمىستارى رەسپۋبليكالىق بيۋجەت ەسەبىنەن جۇزەگە اسىرىلعان.

ەستەرىڭىزگە سالا كەتەيىك، 4- ءساۋىر كۇنى 56 جاستاعى تەمىرتاۋ قالاسىنىڭ تۇرعىنى تايلاندتا دەمالىپ جاتىپ، پاتتايا قالاسىنىڭ اۋرۋحاناسىنا تۇسكەن بولاتىن.