10:58, 28 - ءساۋىر 2018 | GMT +5
عالىمدار قول الىسۋدىڭ جەكە ومىرگە قالاي اسەر ەتەتىنىن انىقتادى
استانا. قازاقپارات - ا ق ش- تاعى كولۋمبيا ۋنيۆەرسيتەتىنىڭ عالىمدارى ەر ادامداردىڭ قولدى قاتتى قىسۋى ايەلدەردىڭ تابىستى بولۋىنا اسەر ەتەتىنىن انىقتادى، دەپ حابارلايدى Baq.kz اقپارات اگەنتتىگى SSM- Population Health باسىلىمىنا سىلتەمە جاساپ.
زەرتتەۋ ناتيجەسى قول الىسۋ كەزىندە قولدى قاتتى قىسپايتىن ەر ادامداردىڭ قولدى قاتتى قىساتىندارعا قاراعاندا كوبىسى نەكەلەسپەگەنىن كورسەتكەن.
عالىمداردىڭ ايتۋىنشا، ايەلدەر قول الىسۋ كەزىندە قولدى قاتتى قىساتىن ەر ادامداردى مىقتى ءارى دەنى ساۋ دەپ قابىلداعان.
زەرتتەۋگە 1923- جانە 1948-جىلدار ارالىعىندا تۋعان 5000 ادام قاتىستىرىلعان.
بۇل قول الىسۋدى قاراستىراتىن ءبىرىنشى زەرتتەۋ ەمەس. وسىعان دەيىن عالىمدار قولدى قاتتى قىساتىنداردىڭ ەسەيگەندە اقىل-ويى جانە ەستە ساقتاۋ قابىلەتىنىڭ جوعارى بولاتىنىن انىقتاعان ەدى.
