09:00, 28 - ءساۋىر 2018 | GMT +5
نايزاعاي كەزىندە نەگە ىدىس جۋىپ، سۋعا جۋىنۋعا بولمايدى؟
استانا. قازاقپارات - ا ق ش زەرتتەۋشىلەرى نايزاعاي جارقىلداپ تۇرعان كەزدە ىدىس جۋۋعا، سۋعا جۋىنۋعا بولمايدى دەيدى.
سونداي-اق ىدىس جۋاتىن، كىر جۋاتىن ماشينانى قوسۋعا، تەلەفون سوعۋعا بولمايدى. ولاردى تەك نايزاعايدان كەيىن 30 مينۋتتان سوڭ پايدالانۋ كەرەك.
سەبەبى 2017 -جىلى شىلدەدە 17 جاستاعى امەريكالىق قىز ۆەرا موبلي كافەدەگى جۇمىس ورنىندا ىدىس جۋىپ تۇرىپ، كراننان بەلگىسىز جارىق جارق ەتكەندە ەسىنەن تانىپ قالعان. سول كەزدە دالادا نايزاعاي جارقىراپ تۇرعان. قۇداي وڭداپ، جاراقات العان بويجەتكەن امان قالعان.
دەرەككوز: سەگودنيا
