ەلباسىنىڭ جارلىعىمەن قازاقستاننىڭ ءۇش مەملەكەتتەگى ەلشىلەرى تاعايىندالدى
بۇل تۋرالى قازاقپارات اقوردانىڭ باسپا ءسوز قىزمەتىنە سىلتەمە جاساپ حابارلايدى.
پرەزيدەنتتىڭ جارلىعىمەن، باقىت امانگەلدى ۇلى دۇيسەنبايەۆ قازاقستان رەسپۋبليكاسىنىڭ كورەيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. وسىعان بايلانىستى ول قازاقستان رەسپۋبليكاسىنىڭ يسپانيا كورولدىگىندەگى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ دۇنيەجۇزىلىك تۋريست ۇيىمى جانىنداعى تۇراقتى وكىلى، قازاقستان رەسپۋبليكاسىنىڭ اندوررا كنيازدىگىندەگى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
سونداي- اق كونستانتين ۆاسيليەۆيچ جيگالوۆ قازاقستان رەسپۋبليكاسىنىڭ يسپانيا كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالىپ، قازاقستان رەسپۋبليكاسىنىڭ كاناداداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ كۋبا رەسپۋبليكاسىنداعى، دومينيكان رەسپۋبليكاسىنداعى، يامايكاداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
ال اقىلبەك ءابسات ۇلى كامالدينوۆ قازاقستان رەسپۋبليكاسىنىڭ كاناداداعى توتەنشە جانە وكىلەتتى ەلشىسى قىزمەتىنە تاعايىندالدى.
