اتاقتى مارادونامەن كەزدەسكەن قازاق بالاسىنىڭ جازباسى ەلدى جىلاتتى

 استانا. قازاقپارات - ايگىلى ارگەنتينالىق فۋتبولشى ديەگو مارادونامەن دوپ تەۋىپ، فۋتبول ويناعان قازاق بالاسى جەلىگە جازبا قالدىرىپ، كوپشىلىكتى جىلاتتى.

ومىرگە ەكى اياقسىز كەلگەن بالاقاي بۇعان دەيىن ارنايى پروتەزدىڭ كومەگىمەن ءجۇرىپ- تۇرىپ، ءتىپتى، فۋتبول ويناپ تا ءجۇرىپتى. الايدا ەسەيىپ، ءاليدىڭ بويى وسكەندىكتەن ول پروتەزدەرى جارامسىز بولىپ قالعان كورىنەدى.

دەسە دە باتىر بالاقاي ول ءۇشىن مۇڭاياتىن ەمەس. ول ايگىلى مارادونامەن كەزدەسىپ، ونىمەن ءتىپتى دوپ تەۋىپ تە كورىپتى. فۋتبولشىمەن كەزدەسكەننەن كەيىن كوپتەگەن دوستار تاپقانىن ايتقان ول ءوزىنىڭ Instagram پاراقشاسىنا جان تەبىرەنتەرلىك جازبا قالدىردى.

«كوپشىلىك مەنى تانىپ، قۇشاقتاپ، سۋرەتكە تۇسەتىن بولدى. شىنىمدى ايتسام، مەن وعان قاتتى تاڭ قالدىم جانە وعان وتە قۋانىشتىمىن. بۇرىندارى ادامدار ماعان ۇزاق قاراعاندا ماعان ول كوپ ۇناي بەرمەيتىن، ءوزىمدى وتە ىڭعايسىز سەزىنەتىنمىن. اناما «نەگە ولار ماعان وسىلاي قارايدى» دەپ رەنجيتىنمىن. ال قازىر ءبارى باسقاشا. مەن ونى سەزەمىن! باستىسى مەنىڭ دوستارىم مەن پاراقشامدا وقىرماندارىم كوبەيۋدە»، - دەپ جازبا قالدىرعان ول.
جەلى قولدانۋشىلارى اليگە ساتتىلىك تىلەگەن. ولار «جارايسىڭ ءالي»، «سەن مىقتىسىڭ» دەگەن تىلەكتەرىن جاۋدىرىپ جاتىر. 

NUR. KZ