10:57, 27 - ءساۋىر 2018 | GMT +5
گولوۆكين مەن الۆارەستىڭ كەزەكتى دوپينگ-تەستىنىڭ ناتيجەسى جاريالاندى
استانا. قازاقپارات - بۇكىل الەمدىك بوكس كەڭەسىنىڭ (WBC) پرەزيدەنتى ماۋريسيو سۋلەيمان «تازا بوكس» باعدارلاماسى اياسىندا گەننادي گولوۆكين مەن ساۋل «كانەلو» الۆارەستىڭ تاياۋداعى سىناما ناتيجەسىن ءمالىم ەتتى، دەپ حابارلايدى Sports.kz.
«WBC قازىر عانا VADA- دان ساۋل الۆارەستىڭ 2- ساۋىردەگى جانە گەننادي گولوۆكيننىڭ 3- ساۋىردەگى دوپينگ-سىناماسىنىڭ ناتيجەسىن الدى. ەكەۋى دە - تازا»، - دەپ جازدى سۋلەيمان ءوزىنىڭ تۋيتتەردەگى پاراقشاسىندا.
ەسكە سالايىق، بۇگىن «كانەلونىڭ» 29- ناۋرىزداعى تەستىنىڭ ناتيجەسى جاريالاندى. ونىڭ اعزاسىندا كلەنبۋتەرول مەن باسقا دا تىيىم سالىنعان زاتتار تابىلعان جوق.
