انتاليادا اششى بۇرىش جەۋدەن جارىس ءوتتى

استانا. قازاقپارات - تۇركيادا انتاليا پروۆينتسياسىنداعى كۋملۋدجا اۋدانىندا اششى بۇرىش جەۋدەن جارىس ءوتتى.

باسەكە رەسپۋبليكا الاڭىندا اۋىل شارۋاشىلىعى جانە جىلىجاي ونىمدەرى XIX فەستيۆالى اياسىندا ۇيىمداستىرىلدى، دەپ حابارلايدى انادولى اگەنتتىگى.

جارىس باستالار الدىندا ءادىقازىلار القاسى بۇرىش ساباقتارىن تارازىعا تارتىپ قاتىسۋشىلارعا ۇلەستىردى. سونداي-اق بۇرىشتىڭ اششىلىعىن ازايتۋ ءۇشىن قىزاناقتار مەن ايران تاراتتى.

باسەكە شارتى بويىنشا، وعان قاتىسقان 18 ادام نەبارى ءۇش مينۋتتىڭ ىشىندە بۇرىشتى نەعۇرلىم كوبىرەك جەۋى قاجەت. بۇعان قوسا ولار ۇستەرىنە سۋىق سۋ قۇيدى.

ءۇش مينۋتتىڭ ىشىندە 315 گرام اششى بۇرىشتى جەپ ۇلگەرگەن حاسان وزديل جەڭىمپاز اتاندى. ەكىنشى ورىن 299 بۇرىش جەگەن حۋسەين اكشيتكە، ال ءۇشىنشى ورىن 279-ىن قىعىتقان مەحمەت اتەشكە بۇيىردى.

اكىمشىلىك باسشىسى كۋملۋدجا حۋسامەتتين چەتينكايانىڭ حابارلاۋىنشا، باسەكەنىڭ ماقساتى جۇرتشىلىق نازارىن انتالياداعى جىلىجاي وندىرىسىنە اۋدارۋ. «ءبىز دايىنداعان ونىمدەرىمىزدىڭ ادام دەنساۋلىعىنا زيانى جوق ەكەندىگىن كورسەتۋگە تىرىستىق»، - دەپ اتاپ ءوتتى ول.