قارتايۋعا قارسى تاعامدار

 استانا. قازاقپارات - قارتتىق ءبارىمىزدى كۇتىپ تۇرعانىمەن، ودان قورقىپ قارتايعىسى كەلمەيتىندەر بار.

 ءتىپتى سول ءۇشىن پىشاق استىنا ءتۇسىپ، اجىمىنەن ايىققانىمەن، ۋاقىت ءوز دەگەنىن الماي قويمايدى. سوندىقتان اعزامىزعا قاجەتتى تابيعي ونىمدەردى عانا تۇتىنىپ، اۋىرماي، كارتايماي جۇرۋگە بولادى.

ءسابىز

ءسابىزدى تاعامعا ۇنەمى قولداناتىندار جاس كورىنەتىنى دالەلدەنگەن. سەبەبى، ءسابىزدىڭ قۇرامىندا كاروتين بار. مۇنداي تابيعي بوياۋ تەرىنىڭ ءتۇسىن جاسارتادى. سۇلۋلىقپەن قوسا دەنساۋلىققا دا پايداسى ورازان زور. كاروتين اعزادا ا دارۋمەنىنە اينالادى دا قاندى تازالاپ، اعزاداعى زياندى حولەستەرين مەن توكسيندەردى شىعارادى.

 تسيترۋستى جەمىستەر

 تسيترۋستى جەمىستەردىڭ بارلىعى س دارۋمەنىنە باي. ول تەرىنى بالعىنداندىراتىن كوللاگەننىڭ ەنۋىنە ىقپال ەتەدى. جاس كەلگەن سايىن تەرىدەگى تابيعي كوللاگەن ازايىپ، تەرى قارتايا باستايدى. ال، تسيترۋستى جەمىستەردى كۇندە جەگەن ادامنىڭ تەرىسىندە قارتايۋ پروتسەسى بوياۋ جۇرەدى. سونىمەن قاتار تسيترۋستىڭ قۇرامىنداعى بيوفلاۆونويدتەر ۋلتراكۇلگىن ساۋلەلەردەن ساقتايدى.

جاڭعاقتار

جاڭعاقتىڭ بارلىق ءتۇرىنىڭ قۇرامىندا اعزاعا قاجەتتى بەلوكتار، ماي قىشقىلدارى مەن ۆ، ا دارۋمەندەرىنىڭ توپتاماسى بار. اتالمىش قۇرام ادامعا شارشاعاندى باسۋعا، جۇيكە جۇيەسىن نىعايتۋعا كومەكتەسەدى. جاڭعاقتى ءجيى جەيتىن ادام ءوزىن سەرگەك سەزىنىپ، جانى تىنىش بولادى. الايدا جاڭعاقتىڭ كالورياسى وتە جوعارى. سوندىقتان كۇنىنە ءبىر ۋىس جاڭعاق جەگەن دۇرىس.

 بروككولي

ەشقانداي كوكونىس بروككوليدىڭ قارتايۋعا قارسى قاسيەتىنە تەڭ كەلە المايدى. ونىڭ قۇرامىندا س دارۋمەنى مول. دارۋمەن تەرىنى اجەم تۇسۋدەن قورعاپ، يممۋنيتەتتى كوتەرەدى. سونىمەن قاتار ۆ دارۋمەن توپتاماسى مەن فوليي قىشقىلى قانداعى حولەستەرين دەڭگەيىن تومەندەتىپ، جۇرەك پەن قاناينالىم جۇيەسىن قورعايدى. كوكونىستىڭ قۇرامىنداعى ماگنيي جۇيكە جۇيەسىن نىعايتىپ، كالتسي سۇيەكتەردى قاتايتادى. سونداي- اق بروككوليدەگى «سۋلفورافان» دەگەن زات اعزاداعى قاتەرلى ىسىك تۋدىرعىشتاردى جويىپ جىبەرەدى.

يوگۋرت

يوگۋرتتاعى بەلوك تەرىدەگى كوللاگەن تىندەرىن قورعاپ، ءاجىم ءتۇسۋدىڭ الدىن الادى. ءسۇت تاعامىنىڭ قۇرامىنداعى بيفيقوسپالار مەن لاكتوزا ىشەك جۇمىسىن جاقسارتىپ، اسقورىتۋعا ىقپال ەتەدى. سول سەبەپتى كۇنىنە 1 رەت تابيعي يوگۋرت جەگەن دۇرىس.

Massaget.kz