ءتاتتى ءومىر: عالىمدار دەنساۋلىققا پايدالى شوكولاد تۇرلەرىن اتادى

استانا. قازاقپارات - لوما ليندا ۋنيۆەرسيتەتىنىڭ امەريكالىق ماماندارى قۇرامىندا كاكاو مولشەرى جوعارى قارا شوكولادتىڭ ارقاسىندا ادامنىڭ يممۋنيتەتى جاقسارىپ، مي قىزمەتىنىڭ بەلسەندى بولاتىنىن انىقتادى.

بۇل تۋرالى life.ru-عا سىلتەپ، Stan.kz اقپاراتتىق اگەنتتىگى حابارلايدى.

زەرتتەۋ بارىسىندا عالىمدار كاكاونىڭ ادام اعزاسىنا قالاي اسەر ەتەتىنىنە نازار اۋداردى.

تاجىريبە كەزىندە 70 پايىزىن كاكاو قۇرايتىن شوكولادتىڭ يممۋندىق جۇيەگە وڭ اسەر ەتەتىن، جاسۋشاارالىق سيگنال جولدارىن جاقسارتاتىنى بەلگىلى بولدى.

سونداي-اق، زەرتتەۋشىلەر 48 گرام شوكولادتىڭ ءارتۇرلى اقپاراتتى جاقسى قابىلداۋعا جانە ەستە ساقتاۋعا كومەكتەسەتىنىن انىقتاي الدى. وعان قوسا ەلەكتروەنتسەفالوگرامما گامما ايماعىنداعى ميدىڭ بەلسەندىلىگىنىڭ ارتۋىن (جيىلىگى 25-تەن 100 گەرتس) انىقتادى.