حوككەيدەن الەم چەمپيوناتى: قازاقستان قۇراماسى يتاليادان جەڭىلىپ قالدى

استانا. قازاقپارات - ءبىرىنشى ديۆيزيون اراسىندا بۋداپەشتە ءوتىپ جاتقان الەم چەمپيوناتىندا قازاقستاندىقتار كەزەكتى كەزدەسۋىن يتاليا قۇراماسىمەن وتكىزدى، دەپ حابارلايدى قازاقپارات ءتىلشىسى.

عالىم مامبەتاليەۆتىڭ شاكىرتتەرى ءۇشىن يتاليالىقتار وسى تۋرنيردەگى باستى قارسىلاستارىنىڭ ءبىرى بولاتىن.

ماتچتى قارقىندى باستاعان يتاليالىقتار ءبىرىنشى كەزەڭدە 2:0 ەسەبىمەن العا شىقتى. گول اۆتورلارى - پەتەر حوككوفلەر مەن ديەگو كوستنەر.

ەكىنشى كەزەڭدە شون ماكموناگل ەسەپتى 3:0 گە جەتكىزدى. ءۇشىنشى كەزەڭدە ەشتەڭە وزگەرە قويعان جوق.

قازاقستاندىقتار كەزدەسۋ بارىسىندا سان باسىمدىلىعىنا يە بولعان ساتتەردە دە قاقپا كىلتىن تابا المادى.

وسىلايشا 3:0 ەسەبىمەن ۇتىپ كەتكەن يتاليا قۇراماسى تۋرنير كەستەسىندە قازاقستاندىقتاردى قۋىپ جەتتى. ەندى ولاردىڭ ەنشىسىندە دە التى ۇپاي بار.

ەسكە سالا كەتەيىك، بۇعان دەيىن قازاقستان قۇراماسىنىڭ ەكى مارتە قاتارىنان ءىرى جەڭىسكە جەتكەنىن جازعان بولاتىنبىز. ەندى ەليتالىق ديۆيزيونعا بەرىلەتىن ەكى جولدامانىڭ بىرىنە يە بولۋ ءۇشىن قازاقستاندىقتارعا قالعان ەكى كەزدەسۋىن جيناقى دا جىگەرلى وتكىزۋ قاجەت-اق. ع. مامبەتاليەۆتىڭ شاكىرتتەرى 27- ساۋىردە سلوۆەنيامەن، سوڭعى، 28- ءساۋىر كۇنى پولشا قۇراماسىمەن وينايدى.