ادام مىنەزى قاي مەزگىلدى ۇناتاتىنىڭىزعا بايلانىستى

 استانا. قازاقپارات - ادامنىڭ مىنەزىن ونىڭ ۋاقىتتىڭ قاي مەزگىلىن ۇناتاتىنىنا قاراپ تا بىلۋگە بولادى.

ەندەشە، ءوزىڭىز سىرىن بىلە الماي جۇرگەن تانىسىڭىز بولسا، ودان تاۋلىكتىڭ قاي مەزگىلىن ۇناتاتىنىن سۇراڭىز. سول ارقىلى ونىڭ قانداي ادام ەكەنىن ءبىلىپ الۋىڭىزعا بولادى. ءتاڭسارىنى ۇناتاتىندار ۇنەمى باسقالاردىڭ الدىندا جۇرەدى. ءاربىر كۇندى ومىرشەڭدىك كۇشپەن، جالىندى جىگەرمەن قارسى الادى. ولاردىڭ ءبارى دەنساۋلىعى مىقتى، ءارى ءازىلقوي بولادى. ونداي ادامدار قول قۋسىرىپ قاراپ وتىرا المايدى، ۇنەمى جۇمىس ىستەپ جۇرەدى.

ساسكەنى ۇناتاتىندار بەلگىلى ءبىر تارتىپپەن جۇرگەندى ۇناتادى. وزىنە ءبىر جۇمىس تاپسىرىلسا، ونى قانشا ۋاقىتتا بىتىرەتىنىن الدىن الا ءبىلىپ تۇرادى. ولاردىڭ جۇمىس ىستەۋ قابىلەتىن دوستارى دا جوعارى باعالايدى.

ءتۇس مەزگىلىن ۇناتاتىندار اينالاسىنداعىلارمەن تەز ءتىل تابىسادى. سوزگە شەشەن، وتە ىقىلاستى ادامدار بولعاندىقتان، دوستارىنىڭ قولداپ- قۋاتتاۋىنا يە بولا الادى. وزگەلەردەن ۇيرەنگەندى جاقسى كورەدى.

تۇستەن كەيىنگى مەزگىلدى ۇناتاتىندار جۇمىس ىستەگەندە باسقالارعا سىلبىر سەكىلدى اسەر قالدىرادى. جۇمىستى باستاسا، وڭايلىقپەن دوعارا قويمايدى. مۇنداي ادامداردا جەتكىلىكتى كۇش پەن قابىلەت بولادى. وزگەلەر ءتورت- بەس ساعات ۋاقىت جۇمساپ ارەڭ بىتىرەتىن جۇمىستى ولار ەكى- اق ساعاتتا ورىنداي الادى.

كۇن ۇياسىنا كىرگەن مەزگىلدى ۇناتاتىندار دوستارىن وتە جاقسى كورەدى، دوستىققا وتە ءمان بەرەدى. ونىڭ ۇستىنە ولار وتباسىنداعىلاردى قاتتى ۇناتادى، ولارمەن ۇزاق ۋاقىت بىرگە بولۋدى قالايدى.

كەشكى مەزگىلدى ۇناتاتىندار تەلەديدار، كينو كورۋدى نەمەسە كىتاپ وقۋدى ۇناتاتىن، ءبىلىمدى جاندار. بۇل تۇردەگىلەر زامانعا ىلەسكىش كەلەدى. سونىمەن بىرگە اتقاراتىن شارۋالارىن وي ەلەگىنەن وتكىزىپ، الدىن الا جوسپارلاپ وتىرادى.

ءتۇن جارىمىن ۇناتاتىندار وزىنە تولىق سەنەدى. ەركىن ويلى، بىرەۋگە تاۋەلدى بولۋدى ۇناتپايدى جانە وزگەلەرگە ۇقسامايتىن جاندار. ارنايى ۋاقىت بەلگىلەۋدى ۇناتپايتىنداردىڭ كەز كەلگەن جاعدايعا بەيىمدەلۋ قابىلەتى وتە جوعارى بولادى. قاعىلەز دە قۇنتتى جاندار سانالادى ءارى جوسپارىنا ۇنەمى وزگەرىس ەنگىزىپ وتىرادى.

 zamana.kz