ءومىردى وزگەرتەتىن كىتاپتار

 استانا. قازاقپارات - عۇلاما عالىم بولۋ ءۇشىن ون كىتاپ وقۋ جەتكىلىكتى. تەك سول وندىقتى تابۋ ءۇشىن جۇزدەگەن كىتاپتى وقۋعا تۋرا كەلەدى.

سوڭعى جىلدارى ءومىردى وزگەرتەتىن، پسيحولوگيالىق داعدارىستان شىعارىپ، كۇيزەلىستەن شىعۋ ادىستەرىن قاراستىراتىن، باقىتتى ءارى كوڭىلدى شاقتاردىڭ كوپ بولۋى ءۇشىن قادام- قاداممەن كەڭەس بەرەتىن كىتاپتاردى وقۋ سانگە اينالدى. ولاي بولسا، الەمنىڭ ءار تۇكپىرىندە وقىرمانداردىڭ كوڭىلىنەن شىققان پسيحولوگيالىق جانرداعى كىتاپتار توپتاماسىن ۇسىنامىز. ءومىرىڭىزدى وزگەرتەم دەسەڭىز، مارحابات!

«كىتاپتى ورتەۋدەن اسقان قىلمىس بار. مىسالى، ونى وقىماۋ» - رەي برەدبەري

«Hygge. سەكرەت داتسكوگو سچاستيا» ، مايك ۆيكينگ

ب ۇ ۇ ستاتيستيكاسىنا سايكەس، دانيالىقتار - عالامشارداعى ەڭ باقىتتى ادامدار. ولاردىڭ «حيۋگگە» اتتى ءوز قۇپياسى بار ەكەن. دانيادا قولداعى بارعا قاناعات ەتىپ، ءار ءساتتى باعالاۋ قاسيەتىن وسىلاي ايتادى. باقىتتى سەزىنۋ ءۇشىن كوپ نارسە قاجەت ەمەس: تاڭعاجايىپ اتموسفەرا، جىلۋلىقتى سەزىنۋ، تىنىشتىق پەن جايلىلىق ۇيلەسىمدىلىگى. مايك ۆيكينگ قاراپايىم زاتتار ارقىلى «دات حيۋگگەسىن» قالىپتاستىرۋعا كەڭەس بەرەدى.

«يكيگاي» ، ەكتور گارسيا ي فرانسەسك ميرالەس

«يگيگايىڭىزدى» تاپتىڭىز با؟ .

وكيناۆا ارالىنداعى كىشكەنتاي اۋىل تۇرعىندارى ۇزاق ءومىر سۇرەدى ەكەن. كىتاپ اۆتورلارى تۇرعىنداردىڭ بۇلاي ۇزاق جاساۋ سەبەبىن انىقتاۋ ماقساتىندا ارالعا قاراي اتتانادى. ماسەلە دۇرىس تاماقتانۋ مەن رەجيمدە ەمەس. ۇزاق ءومىر سۇرەتىن ادامدار ومىردە ءوز يگيگايىن تاپقان. جاپوننىڭ ءسوزىن قازاقشاعا اۋدارساق، «يگي» - ءومىر، «گاي» - سەبەپ. ياعني، ءومىر ءسۇرۋ ءۇشىن سەبەپ بولۋى ءتيىس. ۇيقىدان قۋانىپ ويانعاندا ءوزىڭنىڭ نە ءۇشىن تۇرعانىڭدى بىلسەڭ، ءومىرىڭ ءماندى ءارى ءساندى بولادى ەكەن.

«بولشايا كنيگا و سچاستە» ، لەو بورمانس

باقىتقا جەتۋ جولىن زەرتتەگەن ەڭ ۇلكەن ەڭبەك. 50 ەلدىڭ 100 ەكسپەرت- پسيحولوگى ءارتۇرلى ادامداردى باقىتقا بولەيتىن جولداردى قاراستىرىپ، انىقتايدى. بۇل كىتاپتان باقىتقا جەتۋ ءۇشىن قانشا اقشا كەرەگىن، جەكە ءومىر الدە قىزمەت ماڭىزدى ەكەنىن، ءار ەلدە باقىتقا جەتۋدىڭ ءارتۇرلى ءادىسى بار ەكەنى تۋرالى جازىلعان. ەڭ باستىسى، باقىتتى بولۋعا ۇيرەنۋ كەرەكتىگىن، ياعني باقىتتى بولۋدى قالاۋ قاجەتتىگىن تۇسىنۋگە بولادى.

«ەسسەنتسياليزم. پۋت ك پروستوتە» ، گرەگ ماككەون

ۋاقىت پەن كۇش - شەكتەۋلى رەسۋرستار. دەمەك، ول رەسۋرستاردى كەرەكسىز دۇنيەگە، ءسىز ءۇشىن قىزىق ەمەس كەزدەسۋلەر مەن ادامدارعا شىعىنداماۋ كەرەك. پسيحولوگ ماككەون وقىرماندارعا «ەسسەنتسياليزم» تۇسىنىگىن تانىستىرادى. «از بولسا دا، ساز بولسىن» دەگەن پرينتسيپپەن جۇرسەڭىز كەز كەلگەن باستاماڭىز ناتيجەلى بولاتىنىن ايتادى.

«گولۋبىە زونى نا پراكتيكە» ، دەن بيۋتتنەر

بۇل كىتاپتىڭ ارقاسىندا دەنساۋلىعىڭىزدى دۇرىستاپ، ءومىرىڭىزدىڭ ءمانىن ءتۇسىنۋىڭىز مۇمكىن. ساياحاتشى دەن بريۋتتنەر ۇزاق ۋاقىت بويى الەمنىڭ ءار بۇرىشىنداعى (وكيناۆا، ساردينيا، يكاريا، كاليفورنيا) ادامداردىڭ تاماقتانۋ ءتارتىبى مەن ءومىر ءسۇرۋ سالتىن زەرتتەگەن. ءوز ۇيىڭىزدە ۇنايتىن تىرشىلىك جاساۋ ءۇشىن پراكتيكالىق ءادىس- تاسىلدەرىمەن بولىسەدى.

«كاك ناچات جيت ي نە وبلاجاتسيا» ، ەكاتەرينا حوريكوۆا

«ۆ و س» سايتىن قۇرعان ەكاتەرينا حوريكوۆا جيىرما جاستاعى ادامدارعا پروبلەما شەشۋدىڭ وڭتايلى ادىستەرىن جازادى. اتا- انامەن قالاي تاماقتانۋ كەرەك، جۇمىستا ءوزىن قالاي ۇستاۋى كەرەك، دۇرىس قوشتاسۋ، دەنساۋلىققا جاۋاپكەرشىلىكپەن قاراۋ سىندى سۇراقتارعا جاۋاپ جازادى. ءارتۇرلى كەدەرگىلەردەن شىعۋدى ۇيرەنەسىز.

«ماگيچەسكايا ۋبوركا» ، ماري كوندو

ماري كوندو بالا كەزىنەن قۋىرشاقپەن ايناۋدىڭ ورنىنا ءۇي جيناعاندى ۇناتقان. بۇگىندە ول ءتارتىپ بويىنشا سۇرانىسقا يە كونسۋلتانت. «كونماري» اتتى تازالاۋ، جيناۋ جۇيەسىن قۇرعان. بۇل كىتاپتى وقىعانعا دەيىن ءۇيىڭىزدى ءاردايىم تازا دەپ ەسەپتەگەن بولساڭىز، وقىعان سوڭ ولاي ەمەستىگىنە كوز جەتكىزەسىز. كوندو ۇيدەگى ارتىق زاتتارمەن قالاي قوشتاسۋ كەرەگىن ايتادى. سوندا عانا ۇيىڭىزدە ءسىزدى باقىتقا، قۋانىشقا بولەيتىن ورىن تابىلادى.

«انتيحرۋپكوست» ، ناسسيم نيكولاس تالەب

بەلگىسىزدىك پەن بەيبەرەكەتسىزدىك بيلەيتىن بۇل الەمدە ادامداردىڭ جولى بولعان. كەزدەسكەن كەدەرگىلەرگە توتەپ بەرىپ، ءبىر شارا قولدانۋ - تابيعاتىمىزدان بەرىلگەن قاسيەت. تالەب ءىسىڭ وڭعا باسپاي، بەرەكەسى قاشقان كەزىندە قانداي قابىلەتتىڭ كەرەك ەكەنىن جانە وعان جاۋاپ بەرۋدىڭ جولدارىن ايتادى. فينانس، مانساپ جولىندا ءوسۋ، ساياحات. دەنساۋلىق جانە ومىرگە دۇرىس كوزقاراس قالىپتاستىرۋدىڭ كەڭەستەرىمەن بولىسەدى.

 

 اقمارال اعزام قىزى

Baq.kz