جوعارى وقۋ ورىندارى سۇرانىسقا يە جاڭا ماماندىقتاردى وقىتاتىن بولادى - اسقار جۇماعاليەۆ
دەپ حابارلايدى قازاقپارات ءتىلشىسى.
«مەملەكەت باسشىسىنىڭ «سيفرلىق قازاقستان» باعدارلاماسى اياسىنداعى ماڭىزدى باعىتتاردىڭ ءبىرى - ادامي كاپيتالدى دامىتۋ بولىپ تابىلادى. دايارلىقتان وتكەن ادام بولماسا، اتالعان باعدارلامانى جۇزەگە اسىرۋ بىزگە قيىنعا تۇسەرى انىق. ءبىز ورتا جانە جوعارى وقۋ ورىندارىنىڭ ءبىلىم باعدارلاماسىن قايتا قاراۋدى جوسپارلاپ وتىرمىز. باستاۋىش سىنىپتارعا «باعدارلامالاۋ نەگىزدەرى» مەن «روبوتو تەحنيكا» وقۋ باعدارلامالارى ەنگىزىلەتىن بولادى. باعدارلامالاۋ تىلدەرى دە قايتا قارالىپ، جاڭا (Java, Python, Rust جانە ت. ب) تۇرلەرىنە اۋىستىرىلادى»، - دەدى ا. جۇماعاليەۆ.
ونىڭ ايتۋىنشا، ءوندىرىستىڭ Data Science, Enterprise Architecture جانە وزگە دە قاجەتتى جاڭا باعىتتارى بويىنشا جوعارى ءبىلىمدى ماماندار دايارلانباق.
اسقار جۇماعاليەۆ ءبىلىمنىڭ بارلىق دەڭگەيىندە قۇجاتتىڭ قاعاز اينالىمىن قىسقارتىپ، ەلەكتروندى فورماتتا قىزمەتتەر مەن سەرۆيستەردى كورسەتۋگە كوشۋ جۇمىسى جۇرگىزىلىپ جاتقانىن ايتتى. سونىمەن بىرگە، ول سيفرلاندىرۋ قاراپايىم قازاقستاندىققا قانداي پايدا اكەلەتىنىن تىلگە تيەك ەتتى.
«ءبىلىم سالاسىنداعى سيفرلاندىرۋ ەڭ ءبىرىنشى كەزەكتە بۇكىلالەمدىك وزىق ىلىمگە ينتەرنەت ارقىلى قول جەتكىزۋگە مۇمكىندىك بەرەدى - ول دەگەنىڭىز ەلەكتروندىق وقۋلىقتاردى قولدانۋ جانە سول سەكىلدى وزگە دە مۇمكىندىكتەر. شىمكەنتتە ءبىز پيلوتتىق جوبا رەتىندە وقۋشىلاردىڭ ساباققا كەلۋىن نازارعا الدىق. سيفرلاندىرۋدىڭ ارقاسىندا، ياعني وقۋشىنىڭ اتا- اناسىنا ونىڭ بالاسى مەكتەپكە كەلگەن- كەلمەگەنى تۋرالى حابارلاما تاراتۋ ارقىلى، ءبىز وقۋشىلاردىڭ مەكتەپكە كەلۋىن ەكى ەسەگە ارتتىرۋعا مۇمكىندىك الدىق. شىمكەنتتە وقۋشىلاردىڭ ساباقتان قالۋدىڭ 22 مىڭ وقيعاسى تىركەلگەن ەدى، ونى قازىرگى تاڭدا 2 مىڭعا دەيىن قىسقارتتىق. وسىنىڭ ارقاسىندا ۇلگەرىمدىلىك 10 پايىزعا ارتتى»، - دەيدى اسقار جۇماعاليەۆ.
اۋدارما: ايان بەكەن ۇلى
