ۇندىستەر تايپا ەمشىسىنىڭ قازاسى ءۇشىن كانادالىق ازاماتتى قيناپ ولتىرگەن

 استانا. قازاقپارات - جوعارعى امازونكا تۇرعىندارى جەرگىلىكتى تايپانىڭ رۋحاني كوشباسشىسى، سونداي- اق ەمشىسىنىڭ ءولىمى ءۇشىن كانادالىق ازاماتتى ازاپتاپ ولتىرگەن.

بۇل تۋرالى BBC حابارلادى، دەپ جازادى Stan.kz اقپاراتتىق اگەنتتىگى.

بەيسەنبىدە ۋكايالا اۋدانىندا شيبيبو- كونيبو تايپاسىنىڭ 81 جاستاعى ەمشىسى وليۆيا اريەۆالو قارۋلى شابۋىلدان قايتىس بولدى.

 جەرگىلىكتى تۇرعىندار ونىڭ ولىمىنە 41 جاستاعى كانادالىق ازامات سەباستيان پول ۆۋدروفتى كىنالادى. سەبەبى ەر ادام سول ايماقتا تۇرىپ، ەمشىنىڭ قىزمەتىن پايدالانىپ جۇرگەن ەكەن.

پوليسيا قىزمەتكەرلەرى ەمشىنى ولىمىنە قاتىستى كۇدىكتىنى ءالى انىقتاماعانىن ايتتى. سونداي- اق، كانادالىق ازاماتتىڭ ولىمىنە قاتىستى ەشكىم قاماۋعا الىنباعان.

41 جاستاعى ازاماتتى ازاپتاپ ولتىرگەن ءسات ۆيدەوعا ءتۇسىرىلىپ، جەلىگە جاريالانعان. سودان كەيىن پوليسيا قىزمەتكەرلەرى جەرگىلىكتى تايپا وكىلىنىڭ ۇيىنەن شامامەن ءبىر شاقىرىم جەردەن ۆۋدروفتىڭ دەنەسىن تاۋىپ العان.

ۆيدەوجازبادا ۆۋدروۆقا ۇقساس ادامنىڭ شالشىقتا باتىپ بارا جاتقانى كورسەتىلگەن. سونداي- اق وعان جازا تاعايىنداعان تايپا وكىدەرى ارقان لاقتىرىپ، سۇيرەگەن. قالعاندارى بولسا بۇل كورىنىستى باقىلاپ تۇرعان.

«ءبىز بۇل قىلمىستى كىمنىڭ جاساعانىن تاپپاي قويمايمىز» ، - دەيدى جەرگىلىكتى پروكۋرور ريكاردو پالمۋ حيمەنەس.