ەرلەردىڭ كوزىنە تابيعي بولىپ كورىنەتىن قىزداردىڭ بوياۋسىز دەگەن ءتۇرى جالعان بولىپ شىقتى
جەلىدە تابيعي ءتۇر جاسايتىندارعا قانشا كوسمەتيكا كەتەتىنىن جاريا ەتەتىن پوست كوپتەپ شىعىپ جاتىر.
«ەر ازاماتتار بوياۋسىز قىزدار ۇنايدى دەگەندە ولاردىڭ بەتىندەگى بوياۋدىڭ بارىن سەزبەيدى. ال، ايەلدەر قاۋىمىنا بۇل باسقاشا كورىنەدى»، - دەپ جازادى كايس ەسىمدى ۆيدەوبلوگەر جەلىدە.
ول ۆيزاجيست حوسە كورەلليدىڭ مودەل قىزدى تابيعي ەتىپ بوياعان سۋرەتىن جاريالادى. ودان بولەك قانشا كوسمەتيكا جۇمسالعانى جايىندا ءتىزىمىن جازدى.
ۆيزاجيست تەرىگە ارنالعان كرەمدەردەن بولەك، كوررەكتسيالىق قارىنداش، تونالدى كرەم، سۇيىق رۋميانا، حايلايتەر، قوڭىر قويۋ ءتۇتسى قارىنداش، قاسقا ارنالعان گەل، تۋش، ەرىنگە ارنالعان بالزام، ەرىندى ۇلكەيتەتىن قوسپا قولدانعان. بۇل كوسمەتيكالاردى قولدانعانىمەن سۋرەتتەگى مودەل ەش بوياۋسىز تۇرعان سەكىلدى.
مۇنى كورگەن جەلى قولانۋشىلارى ءتۇرلى پىكىر جازىسىپ، قىزۋ تالقىلادى. مۇنى قولداعاندار دا، سىناعاندار دا بار.
سۋرەتتىڭ تالقىلانعانى سونشا ونى ۆيزاجيستىڭ ءوزى دە بايقاعان.
«بىرەۋلەر مەنىڭ جۇمىسىمدى اڭگىمەگە اينالدىرىپتى. كۇلكىمدى تىيا الار ەمەسپىن»، - دەپ جازادى ۆيزاجيست كورەلليا.
