قازاقستاندا سوتتالعان ءبىر ادامدى اسىراۋ ءۇشىن قانشا قاراجات جۇمسالادى؟
اگەنتتىكتىڭ رەسمي ساۋالىنا بەرىلگەن جاۋاپقا سايكەس، سوتتالعان جانە تەرگەۋگە بايلانىستى قامالعان ادامدى ءبىر كۇن اسىراۋ ءۇشىن سوڭعى مالىمەتتەر بويىنشا 2,4 مىڭ تەڭگە، جىلىنا 876,9 مىڭ تەڭگە جۇمسالادى.
ەڭبەككە جارامدىلاردىڭ ىشىندە 72,2 پايىزى جۇمىس ىستەيدى. ولاردىڭ بارلىعى ايلىعىن الىپ وتىر. ولاردىڭ ورتاشا ايلىعى شامامەن 22-30 مىڭ ارالىعىندا. اتقارىلعان جۇمىس ەڭبەك وتىلىنە ەسەپتەلەدى.
سوتتالعانداردىڭ ايلىعى اقشانى ۋاقىتشا ساقتاۋدىڭ قورىتىندى باسقارۋ ەسەبىنە (ق ب ە) اۋدارىلادى. بارلىق تولەمدەر مەن اۋدارىمدار سوتتالعانداردىڭ ءوتىنىشى بويىنشا ق ب ە- دەن قولما-قول اقشاسىز جۇرگىزىلەدى. ق ب ە- دەن بانك كارتوچكاسىنا ايلىق تەك قاۋىپسىزدىگى مينيمالدى مەكەمەلەردە قامالعاندارعا عانا اۋدارىلىپ وتىرادى.
بارلىق وبلىستار مەن تۇزەۋ مەكەمەلەرىندە «ەڭبەك» ر م ك فيليالدارى جۇمىس اتقارۋدا. قامالعاندار جۇمىس كەزىندە مەتال وڭدەۋ، اعاش وڭدەۋ، قۇرىلىس ماتەريالدارى، اۋىل شارۋاشىلىعى ونىمدەرى، توقىما بۇيىمدارىن ءوندىرىپ، كۇزەت جانە ۆيدەوباقىلاۋ جۇيەسىنىڭ ينجەنەرلىك-تەحنيكالىق سايماندارىن مونتاجداۋ جانە جوندەۋ جۇمىستارىن جۇرگىزەدى. سونىمەن قاتار، شاعىن جانە ورتا بيزنەستىڭ سۋبەكتەرى تارتىلادى.
وسى جىلدىڭ باسىنان باستاپ 251 بيزنەسمەن وندىرىستىك الاڭ سەنىمگەرلىك باسقارۋىن موينىنا الىپ، وسىنىڭ ارقاسىندا 3 مىڭ سوتتالعان ادام جۇمىسپەن قامتىلعان. سونىمەن بىرگە، تاعى 9 بيزنەسمەن اعاشتان كادەسىي جاساۋ، ەتىك تىگۋ، ۇلتتىق بۇيىمداردى ازىرلەۋ باعىتىندا جەكە ءوندىرىسىن جولعا قويىپ العان.
