داۋرەن ابايەۆ مەملەكەتتىك ورگاننىڭ باسپا ءسوز حاتشىلارىنىڭ مىندەتتەرىن بەكىتتى
اتالعان قۇجات «ەگەمەن قازاقستان» گازەتىندە جاريالاندى. وندا باسپا ءسوز حاتشىسىنىڭ نەمەسە باسپا ءسوز قىزمەتىنىڭ ماقساتى، فۋنكتسيالارى، قۇقىقتارى مەن مىندەتتەرى قامتىلعان.
بۇيرىقتا باسپا ءسوز حاتشىسى پايدالانۋشىلارعا مەملەكەتتىك ورگاننىڭ قۇزىرەتىنە، سونداي-اق ونىڭ قىزمەتىنە جاتاتىن ماسەلەلەر بويىنشا انىق جانە قاجەتتى اقپارات بەرەتىنى، ب ا ق- قا سۇحباتتار، تۇسىندىرمەلەر، جاريالانىمدار ازىرلەۋگە جاردەمدەسەتىنى، جۋرناليستەردى ۋاقىتشا نەمەسە تۇراقتى اككرەديتتەۋدەن وتكىزەتىنى، سونداي-اق ولارعا مەملەكەتتىك ورگاننىڭ قۇزىرەتىنە جاتاتىن ماسەلەلەر بويىنشا اقپاراتتى نەعۇرلىم تولىق جانە كەڭىنەن تاراتۋ ءۇشىن كومەكتەسكەنى اتالىپ وتكەن.
باسپا ءسوز حاتشىسى نەمەسە باسپا ءسوز قىزمەتى لاۋازىمدى ادامداردىڭ ب ا ق وكىلدەرىمەن باسپا ءسوز كونفەرەنسيالارىن، بريفينگتەرىن، سۇحباتتارى مەن كەزدەسۋلەرىن ۇيىمداستىرادى. سونىمەن قاتار ولار ينتەرنەت- رەسۋرستىڭ قىزمەتىن جاڭعىرتۋ جانە جاڭا تەحنولوگيالاردى ەنگىزۋ ماسەلەلەرى بويىنشا ۇسىنىستاردى ازىرلەۋى ءتيىس. مۇنىمەن قوسا، باسپا ءسوز حاتشىلارى اقپاراتتاردى پايدالانۋشىلاردان كەلىپ تۇسەتىن ساۋالدارعا ۋاقتىلى جاۋاپتار دايىنداۋى قاجەت.
سونىمەن قاتار باسپا ءسوز حاتشىسى پايدالانۋشىلاردان كەلىپ تۇسكەن ساۋالدارعا جاۋاپ بەرۋ ءۇشىن قاجەتتى اقپاراتتى قۇرىلىمدىق بولىمشەلەردەن سۇراتۋعا، ينتەرنەت-رەسۋرستىڭ قىزمەتىن تەحنيكالىق قامتاماسىز ەتۋ ماقساتىندا اقپاراتتاندىرۋ سالاسىنداعى ساراپشىلاردى تارتۋعا، بىلىكتىلىكتى ارتتىرۋ كۋرستارىنان وتۋگە قۇقىلى.
بۇدان بولەك، ب ا ق- پەن ءوزارا ءىس-قيمىل جاساۋ جونىندەگى ۋاكىلەتتى تۇلعا مەدياكەڭىستىكتە قوعامنىڭ تەرىس پىكىرىنە اكەلەتىن اقپارات انىقتالعان جاعدايدا مەملەكەتتىك ورگاننىڭ ءبىرىنشى باسشىسىن ۋاقىتىندا حاباردار ەتۋگە مىندەتتى.
