قازاقستاندىق بويجەتكەن ساناۆياتسيامەن سانكت-پەتەربۋرگتەن استاناعا جەتكىزىلدى
«2018-جىلدىڭ 21- ءساۋىرى كۇنى جەرگىلىكتى ۋاقىت بويىنشا ساعات 16:54 دە اۋىر جاعدايداعى بويجەتكەن ق ر سانيتارلىق اۆياتسيانىڭ كومەگىمەن رەسپۋبليكالىق نەيروحيرۋرگيا ورتالىعىندا ەمىن جالعاستىرۋ ءۇشىن استاناعا جەتكىزىلدى»، - دەلىنگەن حابارلامادا.
ۆەدومستۆو كەلتىرگەن مالىمەتكە سايكەس، ق ر دەنساۋلىق ساقتاۋ مينيسترلىگىنە 1993-جىلى تۋعان قازاقستان ازاماتىنىڭ اتا-اناسىنان ءوتىنىم كەلىپ تۇسكەن. بويجەتكەن ر ف ت ج م- ءنىڭ سانكت-پەتەربۋرگ قالاسىنداعى ا. م. نيكيفوروۆ اتىنداعى بۇكىل رەسەيلىك شۇعىل جانە رادياتسيالىق مەديتسينا ورتالىعىندا جاتقان. ول جەرگە قازاقستان ازاماتى اۋىر جاعدايدا شۇعىل تۇردە جەتكىزىلگەن.
ق ر دەنساۋلىق ساقتاۋ مينيسترلىگى ق ر سىرتقى ىستەر مينيسترلىگىمەن بىرلەسە وتىرىپ، ازاماتتى وتانىنا قايتارۋ ماسەلەسى بويىنشا ءبىرقاتار شۇعىل شارالاردى جۇرگىزگەن. قولعا تۇسكەن مەديتسينالىق قۇجاتتاردىڭ نەگىزىندە سانيتارلىق اۆياتسيانىڭ كۇشىمەن قازاقستان ازاماتىن اۆياتاسىمالداۋ ءۇشىن ساناۆياتسيا بورتىن جىبەرۋ تۋرالى كوميسسيا شەشىمى قابىلداندى.
ەسكە سالا كەتسەك، وتكەن جىلدىڭ وزىندە ق ر دەنساۋلىق ساقتاۋ مينيسترلىگى جانە سانيتارلىق اۆياتسيا قىزمەتىنىڭ كۇشىمەن 2600 پاتسيەنتكە كومەك كورسەتىلگەن بولاتىن. ولاردىڭ 11 ءى اۋىر جاعدايدا ەدى.
