توپىراق كوشكىنى كولساي كولىنە جەتتى - باتالوۆ شۇعىل تاپسىرمالار جۇكتەدى

تالدىقورعان. قازاقپارات - الماتى وبلىسىنىڭ اكىمى اماندىق باتالوۆ كەگەن جانە رايىمبەك اۋداندارىنداعى تاۋ بوكتەرلەرىن زەرتتەۋدى تاپسىردى.

بۇگىن وبلىس اكىمى كولساي سايىنا ۇشىپ كەلىپ، جەدەل شتابتىڭ جۇمىسىنا قاتىستى، دەپ حابارلادى الماتى وبلىسى اكىمىنىڭ باسپا ءسوز قىزمەتى.

22 ساۋىردەگى جاعداي تۋرالى وبلىس اكىمىنە ق ر ءى ءى م ت ج ك «قازسەلدەن قورعاۋ» م م باسشىسى توقتار بايمولدايەۆ باياندادى.

«وپىرىلعان لاي كوشكىنى كولساي كولىنىڭ ارناسىنا جەتتى. توپىراقتىڭ قوزعالىسى ساعاتىنا ءبىر مەتردەن جىلجۋدا. توپىراق كولدىڭ ارناسىن جاۋىپ تاستاۋى مۇمكىن. ءبىراق كول جاڭا ارنامەن اعۋى ىقتيمال. قازىر ودان ەكى تەكشە مەتر سۋ ءوتىپ جاتىر. مامىر ايىنىڭ اياعى مەن ماۋسىمنىڭ باسىندا وتكىزىلەتىن سۋ كولەمى 30 تەكشە مەترگە جەتەدى. توپىراق ماسساسى كول سۋى ارقىلى شايىلادى. ءبىراق بۇل كول تۇبىندە كىشكەنتاي بولشەكتەردىڭ پايدا بولۋىنا ىقپال ەتىپ، ونىڭ ارناسىنان اسۋىنا الىپ كەلۋى مۇمكىن. ءبىز سۋ وتكىزۋدى ەۆاكۋاتسيالىق كانال ارقىلى قامتاماسىز ەتسەك دەيمىز. بۇل ورايدا جارىلىس جۇمىستارى قولدانىلۋى مۇمكىن، - دەدى توقتار بايمولدايەۆ.

ساراپشىلاردىڭ پىكىرىن تىڭداي كەلە اماندىق باتالوۆ ءبىرقاتار تاپسىرمالار بەردى. ەڭ الدىمەن، ونىڭ ساعاسىنىڭ ءتۇبىن شىنجىر تاباندى ەكسكاۆاتورلار ارقىلى تەرەڭدەتۋ. ەگەر تاۋ ماسساسى كولدى جاۋىپ تاستاسا، سۋدى سارقىپ الۋ نەمەسە سيفوندىق ءادىس ارقىلى مورەنالىق كولدەرگە وتكىزۋ ءتاسىلىن قولدانۋ كەرەك.

8- ساۋىردە بۇل جەردە جەر سىلكىنىسى بولعان، ونىڭ ارتىنان جاۋىن جاۋدى. مۇندا تەكتونيكالىق جارىلۋ سىزىعى بار. وسىنىڭ ءبارى جيناقتالا كەلە، قالىپتاسىپ وتىرعان جاعدايدى تۋعىزۋى مۇمكىن. قازىر تاۋ بوكتەرلەرىنە، اسىرەسە ەلدى مەكەندەر ماڭىنا مۇقيات زەرتتەۋ جاساۋ كەرەك»، - دەدى اماندىق باتالوۆ.

سونىمەن قاتار، وبلىس اكىمى ەلەكتر جەلىلەرىنىڭ اينالما جولىن جانە گەولوگيالىق جاعدايلاردى ەسكەرە وتىرىپ جول سالۋ جۇمىستارىن جالعاستىرۋدى تاپسىردى.

قازىر وقيعا ورنىنا بارلىق قاجەتتى تەحنيكا جۇمىلدىرىلعان، تاۋ ماسساسىنىڭ قوزعالىسى ساعات سايىن باقىلانىپ وتىر. ەلدى مەكەندەرگە قاۋىپ ءتونىپ تۇرعان جوق. سونداي-اق وبلىس اكىمىنىڭ باسپا ءسوز قىزمەتىنەن حابارلاعانداي، كەيبىر ب ا ق- تا جاريالانعان ساتى اۋىلىنا اپاراتىن جول جابىلدى دەگەن اقپارات شىندىققا جاناسپايدى. بۇل جول جابىلعان جوق، اشىق. تاۋ ماسساسىنىڭ قوزعالۋى «كولساي كولدەرى» ۇلتتىق ساياباعى كاردونى ماڭىندا ورىن العان.