كەڭشىلىك تىشقان: «قۇداي تانۋ بايانى» وقۋلىعىنىڭ قازاق تىلىنە اۋدارىلۋى جاقسى باستاما
دەپ حابارلايدى قازاقپارات.
«جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا اۋدارىلاتىن كىتاپتار تىزىمىنە كارەن ارمسترونگتىڭ «يۋدايزم، حريستياندىق پەن يسلامداعى 4000 جىلدىق ىزدەنىس: قۇداي تانۋ بايانى» ەنگىزىلىپ، العاشقى لەكپەن قازاق تىلىندە جارىق كورىپ وتىر. ارينە، ءدىنتانۋ سالاسىنداعى وقۋلىقتاردىڭ تاپشى ەكەندىگىن نازارعا الاتىن بولساق، مۇنى جاقسى باستاما دەپ ەسەپتەۋگە بولادى. جالپى بۇكىل ءدىنتانۋدىڭ پروبلەماسىن قۇداي تاريحىمەن نەمەسە ءبىر كىتاپپەن شەشۋ قيىن»، - دەدى ول.
دەگەنمەن، ونىڭ ايتۋىنشا، ەۋروپالىق دەڭگەيدەگى قۇداي تانۋ تۇسىنىگىنىڭ قازاق تىلىندە جارىق كورۋى دۇرىس. ويتكەنى، بۇل كىتاپ ەۋروپاداعى يسلامدىق جانە حريستياندىق ىلىممەن جەتە تانىسۋعا مۇمكىندىك بەرەدى.
«مۇنى قازاق تىلىنە اۋدارىلۋعا ءتيىستى بىردەن- ءبىر وقۋلىق دەپ ايتۋ قيىنداۋ. دەگەنمەن بۇل وسى سالاداعى ىرگەلى ەڭبەكتەردىڭ ىشىنەن ىرىكتەپ الىندى. وقۋلىقتى سالانىڭ بىلىكتى ماماندارى اۋدارعانى كورىنىپ تۇر، ءتىلى جاتىق، سويلەمدەرى ويعا قونىمدى. اۋدارۋشىلارى وسى سالادا ۇزاق جىلدار بويى ەڭبەك ەتىپ، ناعىز مامانعا اينالعان بىلگىرلەر، ياعني عىلىم دوكتورى، كانديداتتار. سوندىقتان ولاردىڭ بۇل سالانىڭ قىر- سىرىن بىلەتىن، تۇيتكىلدى ماسەلەلەرىن جاقسى تۇسىنەتىن مامان ەكەندىگىنە ەش كۇمان كەلتىرە المايمىز»، - دەدى كەڭشىلىك تىشقان.
ايتا كەتەيىك، بۇگىن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «رۋحاني جاڭعىرۋ» باعدارلاماسىنىڭ ورتالىق ساراپشىلىق كەڭەسىنىڭ وتىرىسى ءوتىپ، وندا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا جارىق كورگەن وقۋلىقتار تالقىلاندى.ق
