جۇرەك تالماسىن الدىن الۋدىڭ قاراپايىم ءادىسى انىقتالدى

 استانا. قازاقپارات - جەر جاڭعاعىن كوپ مولشەردە تۇتىنۋ جۇرەك-قان تامىرلارى اۋرۋلارىنا شالدىعۋ مۇمكىندىگىن تومەندەتەدى.

ونىڭ ىشىندە، اسەرەسە، اريتميانىڭ كەڭ تارالعان ءتۇرى - جۇرەك الدى فيبريلياتسياسىنىڭ الدىن الادى.

شۆەد عالىمدارى جۇرگىزگەن زەرتتەۋ ناتيجەسى MedicalXpress-تە جاريالاندى، دەپ حابارلايدى Stan.kz اقپاراتتىق اگەنتتىگى.

زەرتتەۋگە 45-83 جاس ارالىعىنداعى 61 مىڭ شۆەد ازاماتى قاتىسقان. زەرتتەۋ باستالماس بۇرىن قاتىسۋشى ءوزىنىڭ تۇتىناتىن تاعامدارى مەن كۇن ءتارتىبى جايلى ايتقان. بۇدان كەيىن ەرىكتىلەردىڭ جۇرەك- قان تامىرلارى جۇيەسى 17 جىل بويى باقىلاۋدا بولعان. ەگەر ادام بۇل ۋاقىتقا جەتپەي كوز جۇمسا، عالىمدار ولاردىڭ ءولىمىنىڭ سەبەبىن انىقتاعان.

وسى ارقىلى عالىمدار اس ءىشۋ ۋاقىتى، راسيون، زياندى ادەتتەر مەن تاعى باسقا فاكتورلاردىڭ ءومىر ۇزاقتىعىنا قانشالىقتى اسەر ەتەتىنىن انىقتاپ وتىرعان.

باقىلاۋ بارىسىندا 4983 ادام جۇرەك تالماسىنا ۇشىراعان. ونىڭ 917 سى كوز جۇمعان. 3160 جاعدايدا جۇرەك جەتكىلىكسىزدىگى، 7550 جاعدايدا جۇرەك الدى فيبريللياتسياسى، 972 جاعدايدا قولقا قاقپاقشاسى، 983 جاعدايدا قۇرساق قولقاسى انيەۆريزماسى، 3782 جاعدايدا باس ميىنىڭ ينسۋلتى جانە 543 ىندە مي ىشىلىك قان قۇيىلۋ تىركەلگەن.

اقىرىندا جۇرەك تالماسى، جۇرەك جەتكىلىكسىزدىگى، جۇرەك الدى فيبريلياتسياسى، قۇرساق قورقاسى انوۆريزماسى سىندى اۋرۋلاردى جاڭعاقتىڭ كومەگىمەن الدىن الۋعا بولاتىنى انىقتالدى. جاڭعاقتى تۇتىنۋ مولشەرى ادامنىڭ جىنىسى مەن جاسىنا بايلانىستى. ءبىراق ورتا ەسەپپەن، ايىنا ءبىر- ءۇش «پورتسيا» جاڭعاق تۇتىنساڭىز، ول اريتمياعا شالدىعۋ قاۋپىن 3 پايىزعا، اپتاسىنا 1-2 «پورتسيا» - 12 پايىزعا، اپتاسىنا 3 نە ودان كوپ «پورتسيا» - 18 پايىزعا تومەندەتەدى ەكەن.