بالقاش ماڭىنداعى شولدە ۋلترامارافون وتكىزىلەدى
بۇل شارا بالقاش ماڭى شولدەرىنىڭ ەكوجۇيەسىن، جانۋارلار مەن وسىمدىكتەر الەمىن ساقتاۋعا، جەڭىل اتلەتيكانى، ۋلترامارافوندى جانە سالاۋاتتى ءومىر سالتىن دامىتۋ ماسەلەلەرىن ىلگەرىلەتۋ ماقساتىندا وتكىزىلەدى.
«ق ر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتى قازاقستانداعى ب ۇ ۇ دامۋ باعدارلاماسىمەن جانە «Marat#ON» جۇگىرۋ كلۋبىمەن بىرلەسە وتىرىپ 2018-جىلعى ءساۋىردىڭ 27-28- ارالىعىندا «ىلە-بالقاش» مەملەكەتتىك تابيعي رەزەرۆاتىنىڭ قۇرىلۋىمەن ۇشتاستىرىلعان «بالقاش ماڭى شولدەرى - 2018, 200 كيلومەتر » اتتى ۋلترامارافونىن ۇيىمداستىرادى»، دەپ جازدى ساكەن دىلداحمەت فەيسبۋكتەگى پاراقشاسىندا.
ايتا كەتەرلىگى، ۋلترامارافون الماتى وبلىسى بالقاش اۋدانىنىڭ (باقاناس ا. - قاراوي ا.) اۋماعىندا باپكەر، حالىقارالىق دارەجەدەگى سپورت شەبەرى، گيننەستىڭ رەكوردتار كىتابىنا جەتى رەت تىركەلگەن مارات جىلانبايەۆتىڭ جەتەكشىلىگىمەن وتەدى.
