17:51, 18 - ءساۋىر 2018 | GMT +5
مينيستر مۇحامەدي ۇلى الماتى وبلىسىندا تۋريزمدى دامىتۋ ماسەلەلەرىن تالقىلاماق
تالدىقورعان. قازاقپارات - الماتى وبلىسىنا جۇمىس ساپارىمەن مادەنيەت جانە سپورت ءمينيسترى ارىستانبەك مۇحامەدي ۇلى كەلدى، دەپ حابارلايدى قازاقپارات ءتىلشىسى.
مينيستر ساپارىن تالدىقورعان قالاسىنداعى ءبىرقاتار نىسانداردى، اتاپ ايتقاندا كورمە كەشەنى، سالتانات سارايى، «رۋحاني جاڭعىرۋ» ورتالىعى، قاراتال جاعالاۋىن ارالاپ كورۋدەن باستادى. سونىمەن قاتار سالىنىپ جاتقان نىسانداردىڭ قۇرىلىس الاڭدارىندا بولدى.
ءىس ساپار جوسپارىنا سايكەس، مينيستر وبلىس اكىمدىگىندە تۋريزم سالاسى بويىنشا وتەتىن كەزدەسۋگە قاتىسىپ، پانفيلوۆ اۋدانىنداعى ءبىرقاتار ماڭىزدى نىساندارعا بارادى دەپ جوسپارلانۋدا.
