ۇلتتىق قورعا تۇسىمدەر قانشا كولەمدە ۇلعاياتىنى ناقتىلاندى
جالپى وتىرىس بارىسىندا پالاتا دەپۋتاتتارى «2018-2020 -جىلدارعا ارنالعان رەسپۋبليكالىق بيۋدجەت تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋدا.
«2018 -جىلى قاڭتار- ناۋرىزدا ەكونوميكانىڭ ءوسىمى 4,1 پايىزدى قۇرادى. بيىل مۇنايدىڭ بولجامدى باعاسى ءبىر باررەلىنە 45 ا ق ش دوللارىنان 55 دوللارىنا دەيىن ۇلعايدى. مەتاللداردىڭ باعا يندەكسى 0,4 پايىزعا ارتتى. 2017 - جىلى ناقتىلانعان بازانى ەسەپكە الا وتىرىپ، 2018 -جىلى نومينالدى جالپى ىشكى ءونىم 57,2 تريلليون تەڭگە كولەمىندە بولجانادى. ول تامىزدا ماقۇلدانعان كورسەتكىشتەن 1,3 تريلليون تەڭگەگە ارتىق. ناقتى جالپى ىشكى ءونىمنىڭ ءوسۋى 3,8 پايىزعا كوتەرىلەدى. جان باسىنا شاققانداعى ج ءى ءو 9200 ا ق ش دوللارىنا دەيىن ۇلعايادى. ونەركاسىپتىڭ ءوسۋى 3,3 پايىزعا ارتۋىمەن قايتا قاراستىرىلدى. بۇل وڭدەۋ ونەركاسىبىنەن كۇتىلەتىن اسا جوعارى وسىمىمەن بايلانىستى»، - دەپ توقتالدى مينيستر.
ەنەرگەتيكا مينيسترلىگىنىڭ بولجامدارى بويىنشا 2018 -جىلى مۇناي ءوندىرۋ كولەمى 87 ميلليون توننانى قۇرايدى. مۇنايدىڭ الەمدىك باعالارىنىڭ ۇلعايۋىن جانە ەكونوميكانىڭ ءوسىمىن ەسكەرە وتىرىپ، ەكسپورت 54 ميلليارد ا ق ش دوللارىنا دەيىن، ال يمپورت 34 ميلليارد دوللارعا دەيىن ارتادى.
«ينفلياتسيا بەكىتىلگەن 5-7 پايىز دالىزىندە ساقتالادى. تۇزەتىلگەن ماكروبولجام نەگىزىندە 2018 -جىلعا ارنالعان رەسپۋبليكالىق بيۋدجەت پارامەترلەرىنىڭ بولجامى ناقتىلاندى. كىرىستەر ترانسفەرتتەردى ەسەپكە الماعاندا 2018 -جىلى 5,7 تريلليون تەڭگە كولەمىندە باعالانادى، بۇل بەكىتىلگەن جوسپارعا قاراعاندا 190 ميلليارد تەڭگەگە جوعارى. كىرىستەر بويىنشا نەگىزگى ۇلعايۋ پايدالى قازبالاردى وندىرۋگە ارنالعان سالىقتان جانە شيكى مۇنايعا ەكسپورتتىق كەدەن باجىنىڭ تۇسىمدەرىنەن قامتاماسىز ەتىلەدى»، - دەدى ت. سۇلەيمەنوۆ.
ونىڭ سوزىنە قاراعاندا، ۇلتتىق قورعا تۇسىمدەر بولجام بويىنشا 546 ميلليارد تەڭگەگە ۇلعايادى، 2018 -جىلدىڭ اياعىندا 2,6 تريلليون تەڭگەنى قۇرايدى. ناتيجەسىندە، جىل سوڭىندا ۇلتتىق قوردىڭ ۆاليۋتالىق اكتيۆتەرى 58,3 ميلليارد ا ق ش دوللارى كولەمىندە بولجانىپ وتىر.
اۆتور: رۋسلان عابباسوۆ
