سوعىس كەزىندە ءىس- ءتۇسسىز جوعالىپ كەتكەن قازاقستاندىق باتىردىڭ سۇيەك قالدىقتارى رەسەيدەن تابىلدى

 استانا. قازاقپارات - ىزدەۋ توبى ۇلى وتان سوعىسىنا قاتىسقان قازاقستاندىق جاۋىنگەردىڭ سۇيەك قالدىقتارىن تاپتى. ءبىراق ىزدەۋدە بولعان قازاقستاندىق ساربازدىڭ تۋىستارى ءالى تابىلعان جوق.

سوعىس كەزىندە ءىس- ءتۇسسىز جوعالىپ كەتكەن قازاقستاندىق باتىردىڭ سۇيەك قالدىقتارى رەسەيدەن تابىلدى. بۇل تۋرالى Sputnik قازاقستان- عا سىلتەپ، Stan.kz اقپاراتتىق اگەنتتىگى حابارلايدى.

رەسەيدىڭ «پريميرەنيە» بارلاۋ ءبولىمى جاۋىنگەردىڭ سۇيەك قالدىقتارىن لەنينگراد وبلىسىنان تاپتى.

 «لەنينگراد وبلىسىنىڭ كيروۆ اۋدانىندا ىزدەستىرۋ جۇمىستارىن جۇرگىزۋ بارىسىندا گايتولوۆو اۋىلىنىڭ ماڭىنان كەۋدەسىندە ءالى وقۋعا بولاتىن مەدالونى بار قىزىل اسكەر جاۋىنگەرى تابىلدى. ساربازدىڭ سۇيەگى تەرەڭدىگى 30 سانتيمەتر بولاتىن سازدى توپىراقتان الىندى. ىزدەستىرۋ كەزىندە جاۋىنگەردە وزىمەن بىرگە بولعان كوتولوك قاسىق، شىنى بانكى، گاز ماسكاسى سەكىلدى جەكە زاتتار دا تابىلدى. سونىمەن قاتار، باتىردىڭ وزىمەن بىرگە ر گ د- ءنىڭ ەكى گراناتاسى بولعان » ، -  دەيدى بولىمشەنىڭ كومانديرى سەرگەي بارسۋكوۆ.

 مەدالونداعى دەرەكتەر بويىنشا بۇل سۇيەك قالدىقتارى كوكشەتاۋ وبلىسىنىڭ چيستوپول اۋدانىندا 1914 -جىلى تۋىلعان، گارشينو اۋىلىنىڭ تۋماسى ابدۇلقاسىم جامانبايەۆقا تيەسىلى. ول 1941 -جىلدىڭ 18 - شىلدەسىندە، ياعني سوعىس باستالعان ۋاقىتتا رۋزايەۆسك اسكەري بولىمشەسىنە شاقىرىلعان جانە 1942 -جىلدىڭ اقپانىنان باستاپ ونىڭ حابارسىز كەتكەنى حابارلادى.

«سوعىستان كەيىنگى جىلداردا قازاقستاندىق ساربازدى اكەسى ابۋباكىر يسمايلوۆ ىزدەستىپ، ناتيجەسى ءساتسىز اياقتالعان. تەك 76 -جىلدان كەيىن جاۋىنگەردىڭ سۇيەگى لەنينگراد توپىراعىنان تابىلدى. بولاشاقتا، قازاقستاننىڭ باسقا ءبىر باتىرى ءوز جەرىنە جەتكىزىلەدى دەپ ۇمىتتەنەمىز. ەگەر ولاردىڭ تۋىستارى تابىلسا» ، - دەيدى ىزدەۋ توبى.