ەلىمىزدەگى اسكەري ءبىلىم بەرۋ جۇيەسى جەتىلدىرۋدى قاجەت ەتەدى

استانا. قازاقپارات -  ەلىمىزدە اسكەري ءبىلىم بەرۋ جۇيەسىن جەتىلدىرۋ قاجەت. ويتكەنى بۇل باعىتتا عىلىمدى وركەندەتە وتىرىپ، بىلىكتى ماماندار دايىنداۋ ۋاقىت وتكەن سايىن قيىنداپ بارادى.

 بۇل تۋرالى پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ پەتروپاۆلدا وتكەن كوشپەلى وتىرىسىندا ايتىلدى.

قازىرگى تاڭدا ەلىمىزدەگى جوعارعى اسكەري وقۋ ورىندارىنىڭ ماتەريالدىق- تەحنيكالىق بازاسى جاڭارتۋدى تالاپ ەتەدى. ونىڭ ۇستىنە بولاشاق وفيتسەرلەردى دايىندايتىن بىلىكتى وقىتۋشىلار تاپشىلىعى دا بايقالادى. اتالعان پروبلەمالاردى جوعارعى پالاتا وكىلدەرى قاپەرگە الدى. ەندى اسكەري سالانىڭ الەۋەتى مەن الەۋمەتتىك جاعدايىن كوتەرۋ ءۇشىن الداعى ۋاقىتتا كەشەندى جۇمىستار اتقارىلماق.

 داريعا نازاربايەۆا، ق ر پارلامەنتى سەناتىنىڭ دەپۋتاتى:

 - ارينە بۇل ءبىر تۇندە شەشىلمەيتىن ماسەلە. ءبىرتالاي زەرتتەۋ وتكىزۋ كەرەكپىز. ساناۋ كەرەكپىز، ءبىلۋ كەرەكپىز. ارينە ءارقايسىسى ءوز وي- پىكىرىن ايتادى. ال ەندى ءبىز بۇكىل مەمەلەكەتتە جاعداي قانداي بولۋ كەرەك، قانداي بولىپ جاتىر؟ سونى كەشەندى شەشىم قابىلداۋ كەرەكپىز.

www.24.kz