13:09, 17 - ءساۋىر 2018 | GMT +5
الماتى وبلىسىنداعى كولونيادا ءتىنتۋ ءجۇرىپ جاتىر
استانا. قازاقپارات - الماتى وبلىسىنداعى لا-155/12 تۇزەتۋ مەكەمەسىندە جوسپارلى تۇردە ءتىنتۋ جۇمىستارى ءجۇرىپ جاتىر، دەپ حابارلادى ق ر ءى ءى م قىلمىستىق اتقارۋ جۇيەسى كوميتەتىنىڭ باسپا ءسوز قىزمەتىنەن
جوسپارلى شارانىڭ نەگىزگى ماقساتى - تۇزەتۋ مەكەمەلەرىندەگى ءتارتىپتى نىعايتىپ، تىيىم سالىنعان زاتتاردى انىقتاۋ.
وسىعان بايلانىستى بەكىتىلگەن جوسپارعا سايكەس، پروكۋراتۋرا ورگاندارىنىڭ كەلىسىمىمەن رەسپۋبليكا بويىنشا تۇزەتۋ مەكەمەلەرىندە ءتىنتۋ جۇمىستارى باستالدى. ءىس-شاراعا ق ا ج جەكە قۇرامى تۇگەلدەي جانە ۇلتتىق ۇلاننىڭ جاۋىنگەرلەرى تارتىلدى.
مۇنداي شارالار ۆەدومستۆولىق نورماتيۆتىك-قۇقىقتىق اكتىلەرگە سايكەس ەلىمىزدەگى قىلمىستىق- اتقارۋ جۇيەسىنىڭ بارلىق مەكەمەلەرىندە جۇيەلى تۇردە (توقسانىنا ءبىر رەت) جۇرگىزىلەدى.
