ەكونوميكا ءمينيسترى قازاقستاندىقتاردىڭ ناۋرىز ايىنداعى ورتاشا جالاقىسىن اتادى
بۇل تۋرالى بۇگىنگى ۇكىمەت وتىرىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ ءمالىم ەتتى، دەپ حابارلايدى قازاقپارات ءتىلشىسى.
2018 -جىلدىڭ ءى توقسانى بويىنشا ەلدىڭ الەۋمەتتىك- ەكونوميكالىق دامۋ كورسەتكىشتەرى جايلى بايانداما جاساعان مينيستر جۇمىسسىزدىق دەڭگەيى مەن ەڭبەكاقى مولشەرى كورسەتكىشتەرىنەن اينالىپ وتكەن جوق.
«ەڭبەك نارىعىنداعى جاعداي ورنىقتى بولىپ قالىپ وتىر. وسى جىلدىڭ ناۋرىزىندا جۇمىسسىزدىق دەڭگەيى %4,9 دەڭگەيىندە ساقتالدى. ەڭبەكاقىنىڭ ءوسۋى بايقالدى. ەرەكشە اتاپ وتەتىندەي، اعىمداعى جىلعى ناۋرىزدا ورتاشا ايلىق ەڭبەكاقى ناقتى كورىنىستە %2,4 ءوسىپ، 153,2 مىڭ تەڭگەنى قۇرادى»، - دەدى مينيستر.
تيمۋر سۇلەيمەنوۆ سونىمەن قاتار، بيىلعى جىلدىڭ 1- توقسانىندا ەل ەكونوميكاسىندا جاعىمدى ۇردىستەر ساقتالعانىن اتاپ ءوتتى.
«ەسەپتىك كەزەڭدە ج ءى ءو ءوسۋى 4,1 پايىزدى قۇرادى. 2017 -جىلدىڭ سايكەس كەزەڭىندە ج ءى ءو 3,6 پايىز بولعان ەدى. مۇنداي سەرپىن ونەركاسىپتىڭ، اۋىل شارۋاشىلىعىنىڭ، كورسەتىلەتىن قىزمەتتەر سالاسىنىڭ وسۋىمەن بايلانىستى. سونداي-اق، جالپى ىشكى ءونىمنىڭ ۇلعايۋۋىنا ينۆەستيسيالاردىڭ جوعارعى ءوسىمى مەن تومەن ينفلياتسيالىق پروتسەستەر سەپتىگىن تيگىزۋدە. ينفلياتسيا جىل باسىنان بەرى 1,8 پايىزدى قۇرادى. بۇل 2017 -جىلدىڭ سايكەس كەزەڭى بويىنشا 0,5 پايىزعا تومەن. جىلدىڭ ماندەگى ينفلياتسيا 6,6 پايىزدى قۇرادى»، - دەدى ول.
ءمينيستردىڭ بايانداۋىنشا، ەسەپتىك ارالىقتا ەلدىڭ حالىقارالىق رەزەرۆتەرى 1,5 پايىزعا نەمەسە 94,4 ميلليارد ا ق ش دوللارىنا دەيىن ۇلعايعان.
