قازاقستاندا مەملەكەتتىك قىزمەت مەكتەبى قۇرىلادى
«رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» ىشكى باعدارلاماسىنا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى جەتەكشىلىك ەتۋدە.
كەزدەسۋدە مەملەكەتتىك ورگانداردىڭ ۇيىمداستىرۋشىلىق مادەنيەتىندەگى وزگەرىستەر ماسەلەلەرى تالقىلاندى.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى ايگۇل شايىموۆا مەملەكەتتىك قىزمەتتىڭ اشىقتىعى مەن تارتىمدىلىعىنا ىقپال ەتەتىن ەكى جوبانى جۇزەگە اسىرۋعا باستاماشىلىق ەتۋدە.
«ءبىرىنشى جوبا - مەملەكەتتىك قىزمەت مەكتەبى - وقۋ وردالارىنىڭ ءبىتىرۋشى ستۋدەنتتەرىن مەملەكەتتىك ورگانداردا تاعىلىمدامادان وتكىزۋدى قاراستىرادى. بۇل ءتاسىل تۇلەكتەردىڭ قىزمەتكە ورنالاسۋى كەزىندە تاڭداۋ جاساۋىنا ىقپال ەتەدى»، - دەلىنگەن اگەنتتىكتىڭ حابارلاماسىندا.
ەكىنشى جوبا ازاماتتاردى قابىلداۋ كابينەتتەرىن ۆيدەوباقىلاۋ كامەرالارىمەن جابدىقتاۋعا باعىتتالعان.
«رۋحاني جاڭعىرۋ» باعدارلاماسى اياسىندا جۇزەگە اسىرۋدى تالاپ ەتەتىن باستى ماسەلە - مەم قىزمەتشىلەردىڭ ساناسىن وزگەرتۋ. ءاربىر مەملەكەتتىك قىزمەتشى وزگەرۋگە قۇلىقتى بولۋى ءتيىس»، - دەپ اتاپ وتىلگەن حابارلامادا.
كەزدەسۋدىڭ قورىتىندىسى بويىنشا، ءاربىر مەملەكەتتىك ورگان سانانى وزگەرتۋ تۇجىرىمداماسى بويىنشا ءوز جوباسىن ەنگىزىپ، «وزگەرىستەردى وزىڭنەن باستا» ىشكى باعدارلاماسى اياسىندا ولاردىڭ باسىمدىقتارىنا سايكەس، ونى جۇزەگە اسىرۋ انىقتالاتىنى تۋرالى شەشىم قابىلداندى.
