قازاقستاندىق كينوپروكات ءۇش ەسە وسەدى
Cinemax باس ديرەكتورى ءاليا بيسەمبايەۆانىڭ ايتۋىنشا، 2016 -جىلمەن سالىستىرعاندا 2017 -جىلى كينوتەاترلار جەلىسىنىڭ تابىسى بيلەت كاسسالارى ەسەبىنەن %61 ءوستى.
«بيلەتتەن جالپى 1,9 ميلليارد تەڭگە كەلىپ ءتۇستى. 2018 -جىلدىڭ بىرىنشى توقسانىندا 608 ميلليون تەڭگە جيناپ ۇلگەرگەنىمىزدى ايتۋىمىز قاجەت. سونداي- اق، ءبىز كەلۋشىلەردىڭ سانىن %64 كوبەيتىپ، 1,3 ميلليون ادامعا جەتكىزدىك. بۇل 2016 -جىلى Cinemax Shymkent Multiplex كينوتەاترىن ىسكە قوسۋىمىزبەن تىكەلەي بايلانىستى. ەكى كينوتەاتر دا جوعارى كورسەتكىشكە يە بولعاندىقتان، بيىل كەلۋشىلەر سانى ارتا تۇسەدى دەگەن ويدامىز. ءبىزدىڭ جەلى Cinemax Shymkent Multiplex كينوتەاترىن دامىتۋ جانە الماتىداعى رەپەرتۋارلار سانىن كوبەيتۋ ارقاسىندا تابىسقا كەنەلۋدى كوزدەپ وتىر» ، - دەيدى ءاليا حانىم.
سونداي- اق، ول كوپ ۇزاماي كورەرمەن سانى بىرنەشە ەسەگە وسەتىنىن ايتىپ ءوتتى.
«قازاقستانداعى كينوپروكات الداعى جىلدارى ەكى- ءۇش ەسە وسەدى. رەسەي نارىعىن ەسكەرە وتىرىپ وسىنداي بولجام جاساۋعا بولادى. دەسە دە، كوپ نارسە ءبىزدىڭ ايماقتاعى تۇرعىنداردىڭ مادەنيەتىمەن بايلانىستى بولماق. بۇل كەزدەيسوق جۇزەگە اساتىن قۇبىلىس بولماي، دەمالىس كۇندەردەگى ادەتكە اينالۋى ءتيىس» ، - دەيدى ول.
Baq.kz
