ەۋرو وداقتا ءار ون ءسابيدىڭ تورتەۋى نەكەسىز تۋادى
«2016 -جىلى ەۋروپا وداعىندا 5,1 ميلليوننان استام ءسابي دۇنيەگە كەلگەن. وداققا مۇشە 28 ەلدىڭ سەگىزىندە نارەستەلەردىڭ باسىم كوپشىلىگى نەكەسىز تۋعان»، - دەپ مالىمدەدى ەۋروستات.
نەكەسىز تۋۋ كورسەتكىشى فرانسيادا ايتارلىقتاي جوعارى. وندا سابيلەردىڭ %59,7- ى نەكەسىز تۋادى. فرانسيادان كەيىنگى ورىنداردا % 58,6 كورسەتكىشىمەن بولگاريا مەن سلوۆەنيا كەلەدى.
سونىمەن قاتار، ەستونيا (%56,1)، شۆەتسيا (%54,9)، دانيا (%54)، پورتۋگاليا (% 52,8)، نيدەرلاندى (50,4) ەلدەرىندە دە نەكەسىز تۋۋ كورسەتكىشى جوعارى.
گرەكيادا، كەرىسىنشە، نەكەسىز تۋۋ كورسەتكىشى نەبارى % 9,4- دى قۇرايدى. سونداي- اق، حورۆاتيادا (18,9)، كيپردە (19,1) جانە پولشادا (%25,0) دا سابيلەر نەگىزىنەن تولىق وتباسىندا دۇنيەگە كەلەدى.
ليتۆا (%27,4) مەن يتاليادا (%28)، رۋمىنيا (% 31,3) مەن مالتادا (%31,8) بالالاردىڭ نەكەسىز تۋۋ كورسەتكىشى ءبىر- بىرىنە جۋىقتاۋ.
ەۋروپا وداعىنىڭ ستاتيستيكا قىزمەتى وكىلدەرىنىڭ ايتۋىنشا، نەكەسىز تۋعان بالالاردىڭ ۇلەسى وداققا مۇشە ەلدەردە 2000 -جىلمەن سالىستىرعاندا ءبىرشاما وسكەن.
نەكەسىز تۋۋ كورسەتكىشى جەرورتا تەڭىزى ەلدەرىندە، اتاپ ايتقاندا، كيپردە سەگىز ەسە، مالتا مەن يتاليادا ءۇش ەسە، يسپانيا مەن گرەكيادا ەكى ەسە ارتقان.
ال سكانديناۆ تۇبەگىندە، بالتىق بويى ەلدەرىندە، يرلانديا جانە ۇلى بريتانيادا 2000-2016 -جىلدارداعى كورسەتكىشتىڭ اراسىندا وزگەرىس جوقتىڭ قاسىندا.
فوتو: sibdepo.ru
