پرەزيدەنت ۇلتتىق ەكونوميكا ءمينيسترى تيمۋر سۇلەيمەنوۆتى قابىلدادى
كەزدەسۋ بارىسىندا مەملەكەت باسشىسىنا 2017 -جىلدىڭ قورىتىندىلارى بويىنشا ەكونوميكالىق دامۋ كورسەتكىشتەرىنە جاسالعان تالداۋ ناتيجەلەرى جونىندە مالىمدەلىپ، مينيسترلىكتىڭ قىزمەتى تۋرالى ەسەپ بەرىلدى.
نۇرسۇلتان نازاربايەۆ مەملەكەتتىك باعدارلامالاردى ازىرلەۋ جانە ىسكە اسىرۋ بارىسىندا ستراتەگيالىق جوسپارلاۋ مەن بولجام جاساۋدىڭ ماڭىزدىلىعىن اتاپ ءوتتى.
«بارلىق شارالار قازاقستان ەكونوميكاسىن دامىتۋ ءۇشىن جۇزەگە اسىرىلۋعا ءتيىس. مەملەكەتتىك باعدارلامالاردىڭ، سونىڭ ىشىندە «بەس الەۋمەتتىك باستامانىڭ» ىسكە اسىرىلۋ بارىسىن زەرتتەۋ قاجەت. ۇلتتىق ەكونوميكا مينيسترلىگى ورتالىق جانە وڭىرلىك دەڭگەيدەگى بارلىق مەملەكەتتىك ورگانداردىڭ قادامدارىن ايقىنداۋى كەرەك»، - دەدى قازاقستان پرەزيدەنتى.
تيمۋر سۇلەيمەنوۆ مەملەكەت باسشىسىنا بيىلعى ءبىرىنشى توقساندا قول جەتكىزىلگەن ەكونوميكالىق دامۋ ناتيجەلەرى جانە ەكونوميكامىزعا جالپى الەمدىك ۇدەرىستەردىڭ تيگىزىپ وتىرعان اسەرى جونىندە باياندادى.
كەزدەسۋ سوڭىندا ەلباسى ءبىرقاتار ناقتى تاپسىرمالار بەردى، سونىڭ ىشىندە قازاقستاننىڭ ەكسپورتتىق جانە ترانزيتتىك الەۋەتىن ودان ءارى دامىتۋ، مەملەكەتتىك جانە سالالىق باعدارلامالاردى ءارى قاراي ىسكە اسىرۋ جونىندە ايتتى.
