ۆلاديمير بوجكو كوشى-قون پوليتسياسىنداعى كەمشىلىكتەردى اتادى
«كوشى-قون پوليتسياسى قاتارىندا سىبايلاس جەمقورلىق مەن وزگە دە قىزمەتىن تەرىس پايدالانۋ فاكتىلەرىن انىقتاۋ بويىنشا جۇمىستاردى كۇشەيتۋ قاجەت. وسى ورايدا ۇ ق ك-نىڭ جەدەل-ىزدەستىرۋ قىزمەتى مەن ءى ءى م-نىڭ وزىندىك قاۋىپسىزدىك جانە كادرلىق اپپارات قىزمەتتەرىن نىعايتۋ كەرەك بولىپ تۇر. (...) و ق و بويىنشا كوشى-قون پوليتسياسى باسقارماسىنىڭ باسشىسىنىڭ ۇستالۋى فاكتىسى ءالى كۇنگە دەيىن ءى ءى م-نىڭ بۇل بولىگىندەگى جەكە قۇرامنىڭ قاتارىندا كەمشىلىكتەر بار ەكەنىن اڭعارتادى»، - دەدى ا. بوجكو.
ونىڭ سوزىنە قاراعاندا، 2015 -جىلى كوشى-قون پوليتسياسىنا قاتىستى 9 قىلمىستىق ءىس، 2016 -جىلى - 6 قىلمىستىق ءىس، 2017 -جىلى 6 قىلمىستىق ءىس قوزعالدى.
«كوشى-قون رەجىمىن بۇزعانداردى ءماجبۇرلى تۇردە شىعارۋ بويىنشا زاڭنامالىق بازانى جەتىلدىرۋ تۇرعىسىندا ۇسىنىستار ازىرلەپ، پارلامەنتكە ەنگىزۋ قاجەت. ول ءۇشىن ۆەدومستۆوارالىق توپتى قۇرىپ، ءوزارا ءىس-قيمىلدى جاقسارتۋدىڭ قادامدارىن جەتىلدىرۋ كەرەك. بۇل رەتتە باس پروكۋراتۋرانىڭ كوزقاراسىمەن كەلىسەمىز جانە وسى شارالاردى ۇزاققا سوزباۋ كەرەك»، - دەپ تاپسىردى بوجكو.
