قازاقستان مەن ازەربايجان ءبىر وتباسىنىڭ مۇشەسى ىسپەتتى - يلحام اليەۆ
«ماعان نۇرسۇلتان نازاربايەۆپەن اڭگىمەلەسكەن وتە ۇنايدى. مەن ءوزىم ونى قاتتى سىيلايمىن. ول - ءبىزدىڭ اقساقالىمىز. مەنىڭ اكەم - گەيدار اليەۆپەن كەزدەسكەن ساتتەرى ءالى ەسىمدە. ولار وتە جاقىن دوس بولدى. ءدال وسى ءداستۇر جالعاسىپ جاتقانىنا قۋانىشتىمىن. ارينە، نۇرسۇلتان ءابىش ۇلى قاراپايىم ادام رەتىندە دە وتە قىزىقتى تۇلعا. باكۋدە وتكەن سوڭعى كەزدەسۋ دە، رەسمي شارالاردا دا، بەيرەسمي جيىندا دا ءبىز ءبىر وتباسىنىڭ مۇشەسى سياقتى وتىرىپ اڭگىمەلەستىك»، - دەيدى ي. اليەۆ.
ق ر پرەزيدەنتىنىڭ تەلەراديوكەشەنىنىڭ حابارلاۋىنشا، جاقىندا ت م د ەلدەرىنىڭ باسشىلارىنىڭ قاتىسۋىمەن دەرەكتى فيلم جارىققا شىعادى.
«جۋىردا ت م د ەلدەرىنىڭ ەل باسشىلارىنىڭ قاتىسۋىمەن دەرەكتى فيلم دايىندىعىنىڭ ۇستىندەمىز. قاتىسۋعا ىنتاسىن بىلدىرگەندەردىڭ الدىڭعى قاتارىندا - ازەربايجان پرەزيدەنتى يلحام اليەۆ. وسى ءساتتى پايدالانا وتىرىپ، وقىرماندارىمىزبەن سۋ جاڭا، ءالى ەشكىم تاماشالاماعان ۆيدەومىزبەن بولىسپەكشىمىز»، دەلىنگەن حابارلامادا.
ايتا كەتەيىك، تاياۋدا مەملەكەت باسشىسى نۇرسۇلتان نازاربايەۆ يلحام اليەۆتى ازەربايجان رەسپۋبليكاسىنىڭ پرەزيدەنتى لاۋازىمىنا قايتا سايلانۋمەن قۇتتىقتاعان بولاتىن. «وتكەن سايلاۋداعى جەڭىسىڭىز ازاماتتاردىڭ ءال-اۋقاتىن ودان ءارى ارتتىرۋعا جانە مەملەكەتىڭىزدىڭ حالىقارالىق ارەناداعى بەدەلىن نىعايتۋعا باعىتتالعان. ءسىزدىڭ ساياساتىڭىزعا ازەربايجان حالقىنىڭ كورسەتكەن جوعارى قولداۋىنىڭ دالەلى بولىپ سانالادى. باۋىرلاس ازەربايجان ەلىنىڭ وركەندەۋى جولىنداعى جاۋاپتى قىزمەتىڭىزدە جاڭا تابىستارعا قول جەتكىزۋىڭىزگە جانە الداعى بارلىق جوسپارىڭىزدىڭ ءساتتى ىسكە اسىرىلۋىنا تىلەكتەسپىن»، - دەپ جازدى ن. نازاربايەۆ.
