اقپەيىلدىلەر كلۋبى كىمدەرگە جاردەمدەسەدى

استانا. قازاقپارات - «اقپەيىلدىلەر كلۋبى» ەرىكتىلەر قوعامىنىڭ نەگىزىن قالاۋشى گۇلميرا ابدىراشەۆا ۇيىمنىڭ قالاي جۇمىس ىستەيتىنى تۋرالى ايتىپ بەردى، دەپ حابارلايدى قازاقپارات ءتىلشىسى.

«ءبىز ادامدى وقىتىپ، جۇمىسقا ورنالاستىرامىز، ەشكىمنىڭ ءيت تىرشىلىكپەن ءومىر سۇرۋىنە جول بەرمەيمىز. ءاربىر ادام مەملەكەتكە پايدالى بولا ءبىلۋى كەرەك قوي. ءبىز وتباسىنى بەلگىلى ءبىر دارەجەگە دەيىن قولداپ، جۇمىسقا ورنالاستىرىلعاننان كەيىن ول وتباسىعا كومەكتەسۋدى دوعارامىز. ونداي ادامدارعا: «سىزگە كومەكتەسكەنىندەي، ءسىز دە بىرەۋلەرگە جاردەمدەسىڭىز دەپ ايتامىز. ءبىز جاقسىلىقتىڭ قانات جايۋىن قالايمىز»، - دەيدى گ. ابدىراشەۆا «مەن جانە مەنىڭ عارىشىم» اتتى MediaTalks-تىڭ بەيرەسمي كونفەرەنسياسىندا.

ونىڭ ايتۋىنا قاراعاندا، كلۋب تەك ادامدارعا ەمەس، ءۇيسىز يتتەرگە دە كومەكتەسەدى. قىسقاسى، ەرىكتىلەر قوعامىنىڭ نەگىزىن قالاۋشىنىڭ ايتۋىنشا، كەيدە يتتەر ادامدارعا جاردەمدەسىپ جاتاتىن كەزدەر دە كەزدەسەدى.

«بىزدە مىناداي جاعداي بولدى. يتتەر ادامداردى قايعى شىڭىراۋىنان الىپ شىعىپ جاتتى. ءبىزدىڭ جوباعا 10-اي بۇرىن كۇيەۋى قايتىس بولىپ كەتكەن سوقىر ايەل قاتىسقان ەدى. جارىنان ايىرىلعاننان كەيىن باسقا تۇسكەن قايعىدان ەسىن جيا الماي قالسا كەرەك. ءاۋ باستا ول اقشا جيناپ، يت ساتىپ الماق بولادى، الايدا كەيىن تۇقىمى اسىل ەمەس ءيتتى اسىراپ العان. تۇقىمى اسىل ەمەس يتتەر، تۇقىمدى يتتەردەن گورى كوبىرەك قۋانىش سىيلايدى»، - دەيدى گۇلميرا ابدىراشيەۆا.

اقپەيىلدىلەر كلۋبىن مۇقتاج ادامدارعا كومەكتەسەم دەۋشىلەر 2015 -جىلى قۇرعان. قازىرگى ۋاقىتتا كلۋبتىڭ قۇرامىندا رەسپۋبليكاسى بويىنشا 130 مىڭ ادام بار.