عاشىقتاردىڭ ءبىر- بىرىنە ۇقساۋ سەبەبى

 استانا. قازاقپارات - كەزدەسىپ جۇرگەن نە شاڭىراق كوتەرگەن جۇپتى كوپشىلىگى ءبىر- بىرىنە ۇقساتىپ جاتادى. مىنەزدەرى، قىلىقتارى، ءجۇرىس- تۇرىسى، سويلەگەن سوزدەرى ۇقساۋى ۋاقىت وتە كەلە ءبىر- ءبىرىن قايتالاۋدان، سۇيىسپەنشىلىكتەن تۋاتىن ادەت ەكەنى تۇسىنىكتى.

 ال بۇگىنگى اڭگىمە سىرت كەلبەتتەرى ۇقسايتىن عاشىقتار جونىندە وربىمەك. «ءبىر- بىرىنەن اينىمايدى ەكەن» ، «كەلىنشەگىڭنىڭ ءتۇرى اناڭا ۇقسايدى» ، «كەلىن ەنەسىنىڭ توپىراعىنان دەگەن وسى» ، «جىگىتىڭ ەكەۋىڭ ۇقسايدى ەكەنسىڭدەر» دەگەن سوزدەر كىم- كىمگە دە جاعىمدى ەستىلەدى. وسى سوزدەردى بارلىق ادام قايتا- قايتا ايتا بەرۋىن قالايتىن جاندار دا بار. ونىڭ ۇستىنە، ءبىر- بىرىنە ۇقساس جۇپ باقىتتى بولادى دەپ جاتادى. عاشىق جانداردىڭ ءتۇرى نە سەبەپتى ءبىر- بىرىنە ۇقساس كەلەدى؟

بۇل عىلىمي تۇرعىدا زەرتتەلىپ، جاۋابى تابىلماعان سۇراق. دەگەنمەن، ءبىز ءوز تۇيسىگىمىزدى ىسكە قوسىپ، جاۋابىن تاۋىپ كورەيىك. اكەسىنە ۇقسايتىن جىگىت قىز نازارىنا ءبىرىنشى ىلىگەدى. كوپ ىشىنەن اكەسىنە ۇقسايتىن جىگىتكە بىردەن كوزى تۇسەدى. جىگىتتە دە سول جاي، اناسىنا ۇقسايتىن قىزعا بىردەن اڭسارى اۋادى. وسىلاي ءبىر- ءبىرىن تاپقان جۇپ تۇرلەرى جاعىنان ۇقساس كەلەدى. ال كەي جۇپ العاش ارالاسا باستاعاندا ءبىر- بىرىنە ۇقسايتىندىعىن اڭعارمايدى. وزگەلەردىڭ پىكىرىنەن سوڭ ءبىر- بىرىنە قاراپ ويلانا باستاعاندا شىندىعىندا كەي جەرلەرى ۇقسايتىنىنا كوزى جەتەدى.

عاشىقتاردىڭ كەيبىرى ءوز كەلبەتىن سۇيىكتىسىنەن كورگىسى كەلەدى. ءوزى جاقسى كورەتىن، تۋرا وزىنىكىنە ۇقسايتىن كوز، وزىنە ۇنايتىن ەرىن وزگەدە، قاراما- قارسىسىندا وتىرعان ادامدا بولعانىن كورۋ - وتە جاعىمدى سەزىم. ال ءسىز ءوز جۇبىڭىزدان ۇقساستىق بايقايسىز با؟

Massaget.kz