ب ۇ ۇ باس حاتشىسى سيرياعا جاسالعان زىمىران سوققىلارىنا قاتىستى مالىمدەمە جاسادى
ب ۇ ۇ باسشىسىنىڭ ايتۋىنشا، بارلىق ەلدەر بىرىككەن ۇلتتار ۇيىمىنىڭ جارعىسىنا، حالىقارالىق قۇقىق پرينتسيپتەرىنە سايكەس ارەكەت ەتۋى ءتيىس.
انتونيۋ گۋتەرريش ب ۇ ۇ قاۋىپسىزدىك كەڭەسى حالىقارالىق بەيبىتشىلىك پەن قاۋىپسىزدىكتى قامتاماسىز ەتۋگە جاۋاپتى ەكەنىن قاداپ ايتتى. ول قاۋىپسىزدىك كەڭەسىن بىرىگۋگە، ءوز مىندەتتەمەلەرىن ورىنداۋعا، سيريا حالقىنىڭ قاسىرەتىن ودان بەتەر اۋىرلاتۋى مۇمكىن ارەكەتتەر جاساماۋعا شاقىردى.
ب ۇ ۇ باس حاتشىسىنىڭ سوزىنە قاراعاندا، حيميالىق قارۋدى قولدانۋعا جول بەرۋگە بولمايدى. ول قاۋىپسىزدىك كەڭەسىنىڭ سيريادا حيميالىق قارۋدىڭ قولدانىلۋىنا ايىپتىلاردى جازالايتىن مەحانيزمدەر ماسەلەسىندە كەلىسىمگە كەلە الماعانىنا وكىنەتىنىن ءبىلدىردى.
ەسكە سالا كەتەيىك، بۇگىن، داماسك ۋاقىتىمەن تاڭعى تورتتەر شاماسىندا ا ق ش پرەزيدەنتى دونالد ترامپتىڭ بۇيرىعىمەن سيرياعا زىمىران سوققىلارى بەرىلگەن بولاتىن.
فوتو: news.un.org
