بيىلعى جىلدىڭ كوكتەمى مەن جازىنا ارنالعان اۋا رايى بولجامدارى
«اۋا- رايىنا ۇزاق مەرزىمدىك بولجام بويىنشا، ەلىمىزدىڭ سولتۇستىك وڭىرلەرىندە ءساۋىردىڭ ورتاسى مەن ءۇشىنشى ونكۇندىك اراسىندا ورتا ازيادان ەنگەن جىلى اۋا ماسسالارىنا بايلانىستى اۋا تەمپەراتۋراسى تۇندە 3...8 گرادۋسقا جىلى، كۇندىز 10... 15 گرادۋسقا دەيىن كوتەرىلەدى» - دەپ جاۋاپ بەردى «قازگيدرومەت» ر م ك باسپا ءسوز قىزمەتى «قازاقپارات» اگەنتتىگىنىڭ رەسمي ساۋالىنا.
سينوپتيكتەردىڭ حابارلاۋىنشا، مامىر ايى رەسپۋبليكا اۋماعىندا جىلى جانە جاۋىن- شاشىندى بولادى دەپ كۇتىلۋدە، تەك رەسپۋبليكانىڭ وڭتۇستىك- باتىسىندا، وڭتۇستىگى مەن ورتالىعىندا جاۋىن- شاشىن نورمادان از تۇسەدى.
ماۋسىم- شىلدە ايلارىندا رەسپۋبليكانىڭ باتىسى مەن وڭتۇستىگىن قوسپاعاندا، جاۋىن- شاشىن مولشەرى نورمادان اسادى دەپ بولجانۋدا.
«تامىز ايىندا ەلىمىزدىڭ باتىس بولىگىندە اۋانىڭ ورتاشا ايلىق تەمپەراتۋراسى 1...2°س- قا كوتەرىلەدى، ال قالعان ايماقتاردا بۇرىنعى جىلدارداعىداي. جاڭبىر مولشەرى ەلىمىزدىڭ باسىم بولىگىندە نورمادان از بولماق، تەك سولتۇستىك قازاقستان، اقمولا، شىعىس قازاقستاننىڭ سولتۇستىگىندە، الماتى وبلىسىنىڭ تاۋلى جانە تاۋ بوكتەرى ايماعىندا عانا نورماعا جۋىق بولادى»، - دەلىنگەن باسپا ءسوز قىزمەتىنىڭ جاۋابىندا.
سونداي- اق، قازگيدرومەت ماۋسىمدىق بولجامداردىڭ ايلىق، ونكۇندىكتىك جانە تاۋلىكتىك بولجامدارمەن ناقتىلانىپ تۇراتىنىن اتاپ ءوتتى.
ەسكە سالا كەتسەك، دەمالىس كۇندەرى قازاقستاننىڭ وڭتۇستىك وبلىستارىنا يراننان بەلسەندى بۇلت سىلەمدەرى جىلجىپ كەلەدى. «سالدارىنان جەكسەنبى جانە دۇيسەنبى كۇندەرى جاڭبىر جاۋادى، نايزاعاي جانە ەكپىندى جەل كۇتىلەدى. سۋىق اۋا اعىمدارىنىڭ اسەرىنەن بۇرشاق جاۋۋى دا مۇمكىن. رەسپۋبليكامىزدىڭ وڭتۇستىگى مەن شىعىسىندا تەمپەراتۋرا نورماعا جاقىن بولادى»، - دەپ حابارلايدى سينوپتيكتەر.
ال ەلىمىزدىڭ سولتۇستىگىندە جاۋىن- شاشىن بولمايدى. ودان كەيىن باتىس سىبىردەن كەلەتىن سۋىق اركتيكالىق اۋا اعىندارى جاڭبىر جانە سىرعاق قار تۇرىندە جاۋۋى مۇمكىن. باتىستا، سولتۇستىكتە جانە ەلىمىزدىڭ ورتالىعىندا اۋا تەمپەراتۋراسى ادەتتەگىدەن 1-3°س- قا تومەن بولادى.
اۆتور: ايجان سەرىكجان قىزى
