ا ق ش سيريانى زىمىرانمەن اتقىلادى
ا ق ش پرەزيدەنتى دونالد ترامپتىڭ بۇيرىعىمەن سيرياعا اۋەدەن زىمىرانمەن سوققى جاسادى. ترامپتىڭ بۇل شەشىمى دۋما قالاسىنداعى حيميالىق شابۋىلعا جاۋاپ رەتىندە قابىلدانعانىن بۇدان بۇرىن حابارلاعان بولاتىنبىز.
فرانس پرەسس اگەنتتىگى جانە ВВС حابارلارىنا قاراعاندا، سوققى داماسكىدەگى بىرنەشە تۇرعىن ءۇي ورامدارىنا باعىتتالعان. ونىڭ ىشىندە عىلىمي زەرتحانا ورنالاسقان بارزەح تا بار. بۇدان تىس، بىرنەشە اسكەري نىساندار دا زىمىران نىساناسىنا اينالعان.
ترامپتىڭ سوزىنە قاراعاندا، سيريانى زىمىرانمەن اتقىلاۋ رەسەيدىڭ حيميالىق قارۋدى پايدالانۋىن توقتاتۋدىڭ مۇمكىندىگى بولماعاندىعىنىڭ سالدارى.
العاشقى سوققىلار داماسك ۋاقىتى بويىنشا تاڭعى تورتتەر شاماسىندا، ا ق ش- تا پرەزيدەنت ءسوز سويلەپ تۇرعان ساتتە بەرىلگەن.
ا ق ش، فرانسيا جانە ۇلى بريتانيا سيريا پرەزيدەنتى باشار اسادتى حيميالىق قارۋدى پايدالاندى دەپ ايىپتاپ وتىر، ال باسادتىڭ ءوزى دۋما قالاسىندا حيميالىق قارۋدىڭ قولدانىلعانىن جوققا شىعارۋمەن كەلەدى.
وسىدان ءبىر جىل بۇرىن سيريا ۇكىمەتتىك اسكەري بازاسىنا جەرورتا تەڭىزىندە ا ق ش ءا ت ك كەمەسىنەن شىققان «توماگاۆك» قاناتتى زىمىرانىمەن سوققى باعىتتالعان. سول سوققى دا ا ق ش- تىڭ سيريا ۇكىمەتتىك اسكەرى مەن پرەزيدەنت باشار اساد ايىپتالعان يدليب پروۆينتسياسىنا جاسالعان حيميالىق شابۋىلعا جاۋاپ رەتىندە بەرىلگەن- ءتىن. وندا 80 ادام شابۋىل قۇربانىنا اينالعان ەدى.
