جىلدىڭ ۇزدىك فوتوسۋرەتى انىقتالدى

 استانا. قازاقپارات -جىلدىڭ ۇزدىك فوتوسۋرەتى انىقتالدى.

World Press Photo (WPP)   حالىقارالىق بايقاۋىنىڭ ءادىلقازى مۇشەلەرى جەڭىمپازدى انىقتادى.

جىلدىڭ ەڭ ۇزدىك فوتوسۋرەتىنىڭ يەسى - ۆەنەسۋەلالىق فوتوگراف رونالدو شەميدت، دەپ حابارلايدى worldpressphoto.org سايتى.

سۋرەتتە ۆەنەسۋەلا استاناسى - كاراكاس تۇرعىنى بەينەلەنگەن. ول كوشە بويىندا دەنەسى ورتەنگەن كۇيى قاشىپ بارا جاتىر. فوتوگراف نارازىلىق شەرۋىندە نە بولىپ جاتقانىن ءتۇسىرىپ العان. فوتوسۋرەت كەيىپكەرى - پوليتسيا قىزمەتكەرلەرىنەن قاشىپ بارا جاتقان 28 جاستاعى قوعام بەلسەندىسى.

فوتوگراف بۇل كورىنىستى سۋرەتكە تۇسىرگەن كۇنى ۆەنەسۋەلا استاناسىندا بولعان نارازىلىق شەرۋى ناتيجەسىندە بىرنەشە ءجۇز ادام زارداپ شەككەن.

Baq.kz