20:35, 13 - ءساۋىر 2018 | GMT +5
تارازدا ۇيگە قاماپ كەتكەن ەكى بالا ءورت سالدارىنان قازا تاپتى
استانا. قازاقپارات - تاراز قالاسىنىڭ ماڭىندا ۇيگە قاماپ كەتكەن 5 جانە 4 جاسار ەكى بالا ءورت سالدارىنان قازا تاپتى،
دەپ حابارلايدى قازاقپارات ءتىلشىسى جامبىل وبلىستىق ت ج د باسپا ءسوز قىزمەتىنە سىلتەمە جاساپ.
«2013 جانە 2014 -جىلى تۋعان ەكى بالانى اتا- اناسى 14 جاستاعى جيەنىنە قالدىرعان، ول دا از ۋاقىتقا تىسقا شىعىپ كەتكەن. ءبىر كەزدە وت تۇتانىپ، ءۇي ورتەنگەن. بالالار ءورت كەزىندە ءيىستى گازدەن ۋلانىپ قالعان، ولاردى جانىپ جاتقان ۇيدەن كورشىلەرى الىپ شىققان، ءبىراق ول كەزدە بالالاردان تىرشىلىكتىڭ بەلگىسى تابىلماعان»، - دەپ حابارلادى باسپا ءسوز قىزمەتىنەن.
ت ج د اقپاراتى بويىنشا، كورشىلەرى سول ساتتە ماشينامەن اۋرۋحاناعا الىپ بارادى، ءبىراق دارىگەرلەر ولاردىڭ كوز جۇمعاندارىن ايتقان. مۇنىڭ بارلىعى ءورت سوندىرۋشىلەر كەلگەنگە دەيىن بولدى.
