پرەمەر- مينيستر اتىراۋداعى مۇناي- حيميا تەحنوپاركىنە باردى

 استانا. قازاقپارات - بۇگىن اتىراۋ وبلىسىنا جۇمىس ساپارى بارىسىندا ق ر پرەمەر- ءمينيسترى باقىتجان ساعىنتايەۆ اتىراۋ قالاسىنداعى «ۇلتتىق يندۋستريالىق مۇناي- حيميا تەحنوپاركى» ارنايى ەكونوميكالىق ايماعىنا بارىپ، وندا پوليەتيلەن وندىرەتىن زاۋىتپەن جانە گاز تۋربينالى ەلەكتر ستانساسىنىڭ قۇرىلىس جۇمىستارىمەن تانىستى.

 بۇل تۋرالى primeminister.kz حابارلايدى.

قازىرگى تاڭدا ارنايى ەكونوميكالىق ايماق اۋماعىندا 15 قاتىسۋشى تىركەلگەن. 1 - ساۋىردەگى جاعداي بويىنشا ينۆەستيتسيالاردىڭ جالپى كولەمى 339 ميلليارد تەڭگەنى، ونىڭ ىشىندە جەكە ينۆەستيتسيالار - 269,8 ميلليارد تەڭگەنى قۇرادى. 1300 استام جۇمىس ورنى اشىلعان.

باقىتجان ساعىنتايەۆ ۇدەمەلى يندۋستريالىق- يننوۆاتسيالىق دامۋ مەملەكەتتىك باعدارلاماسى اياسىندا جۇزەگە اسىرىلعان Polymer Production زاۋىتىن تەكسەرۋ بارىسىندا زاۋىتتىڭ جىلىنا شامامەن 15 مىڭ توننا پوليپروپيلەن جابىنىن شىعارۋعا مۇمكىندىك بەرەتىن تەحنولوگياسىمەن تانىستى. وندىرىستە 371 ادام جۇمىس ىستەيدى. وتكەن جىلى 2,2 ميلليارد تەڭگەگە ءونىم ساتىلدى.

«پوليمەر پروداكشن» ج ش س باسقارما ءتوراعاسى ازامات ءجۇسىپوۆتىڭ ايتۋىنشا، بۇگىنگى تاڭدا زاۋىت پوليەتيلەن جابىنىن، بياكسيالدى- باعىتتالعان پوليپروپيلەن جابىنىن، ءارتۇرلى قاپتاما تۇرلەرىن، سونداي- اق سىيىمدىلىعى 25 جانە 50 ك گ بولاتىن پوليپروپيلەندى قاپتار شىعارادى. جەڭىل جانە ازىق- تۇلىك ونەركاسىبىندە قولدانىلاتىن زاۋىت ونىمدەرى قازاقستاننىڭ بارلىق وڭىرلەرىنە جانە رەسەيگە، قىرعىزستانعا، وزبەكستانعا ەكسپورتتالادى. بۇل ايماقتىڭ الەۋمەتتىك- ەكونوميكالىق دامۋىنا كۇشتى مۋلتيپليكاتيۆتى اسەر بەرىپ، يمپورتتى الماستىرۋعا ىقپال ەتەدى.

«نۇرلى جول» ينفراقۇرىلىمدى دامىتۋ مەملەكەتتىك باعدارلاماسى اياسىندا سالىنىپ جاتقان گاز تۋربينالى ەلەكتر ستانساسىن ارالاۋ بارىسىندا «بىرىككەن حيميالىق كومپانيا» ج ش س باسقارما ءتوراعاسى جەڭىس وسەرباي جوبا ا ە ا اۋماعىنداعى ءىرى ينۆەستيتسيالىق جوبالاردى 110 كۆت ەلەكتر قۋاتىمەن جانە جوعارى قىسىمدى بۋمەن قامتاماسىز ەتۋگە مۇمكىندىك بەرەتىنىن مالىمدەدى. جوبانى ىسكە اسىرۋ مەرزىمى - 2014-2018 -جىلدار، ونىڭ قۇنى - 111 ميلليارد تەڭگە. زاۋىت قۋاتتىلىعى - 310 م ۆ ت، جۇمىس ورىندارىنىڭ سانى - 120.

انىقتاما: اتىراۋ وبلىسىنداعى «ۇ ي م ح ت» ا ە ا اۋماعى ءۇش ۋچاسكەدەن تۇرادى: قاراباتان (بازالىق مۇناي- گاز حيميا ونىمدەرىن: پوليپروپيلەن، پوليەتيلەن جانە ت. ب. شىعاراتىن نەگىزگى وندىرىستەر)، تەڭىز (گاز بولگىش قوندىرعى) جانە اتىراۋ ق. (تۇپكىلىكتى ءونىم: پلاستماسسا جانە رەزەڭكە تەحنيكالىق بۇيىمدار جانە ت. ب. شىعاراتىن شاعىن جانە ورتا بيزنەستىڭ ونەركاسىپتىك پاركى).

«ۇ ي م ح ت» ا ە ا جوباسى حالىقارالىق ستاندارتتارعا (ي س و) سايكەس يننوۆاتسيالىق، باسەكەگە قابىلەتتى وتاندىق مۇناي- حيميا ونىمدەرىن جاساۋعا باعىتتالعان. جوبانىڭ بىرەگەيلىگى - ءوندىرىس ورنىندا مۇناي- حيميا وندىرىستەرىنە ماماندار دايارلانادى.

ىسكە اسىرۋ ساتىسىندا ءتورت جوبا بار:

KPI Inc. - جىلىنا 500 مىڭ توننا پوليپروپيلەن ءوندىرۋ جوباسى. ىسكە اسىرۋ مەرزىمى: 2017-2021 -جىلدار؛

KLPE - پوليەتيلەن ءوندىرۋ جوباسى.

Karabatan Utility Solutions - گ ت ە س گاز تۋربينالى ەلەكتر ستانساسىن سالۋ. ىسكە اسىرۋ مەرزىمى: 2016-2018 -جىلدار؛

«قاز حيم پروداكشن» - جىلىنا 150 مىڭ توننا تسيكلوگەكسان ءوندىرۋ جوباسى. ىسكە اسىرۋ مەرزىمى: 2017-2021 -جىلدار.

«KLPE»  ج ش س پوليەتيلەن ءوندىرۋ زاۋىتى Borealis ءىرى ترانس ۇلتتىق كومپانياسىمەن بىرلەسىپ جۇزەگە اسىرىلۋدا. ىنتىماقتاستىقتىڭ نەگىزگى شارتتارى تۋرالى كەلىسىمگە ەلباسىنىڭ ب ا ءا- عا وسى جىلدىڭ 24 - ناۋرىزىنداعى رەسمي ساپارى اياسىندا قول قويىلدى. جوبا قۇنى - $2,6 ميلليارد، قۋاتتىلىعى - جىلىنا 500 مىڭ توننا پوليپروپيلەن.