باقىتجان ساعىنتايەۆ مەملەكەت باسشىسىنىڭ تاپسىرماسىمەن اتىراۋعا كەلدى
مەملەكەت باسشىسىنىڭ تاپسىرماسىمەن ق ر پرەمەر-ءمينيسترى باقىتجان ساعىنتايەۆ پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىنىڭ»، سونداي-اق مەملەكەتتىك جانە سالالىق باعدارلامالاردىڭ جۇزەگە اسىرىلۋ بارىسىمەن تانىسۋ ءۇشىن اتىراۋ وبلىسىنا كەلدى.
جۇمىس ساپارى بارىسىندا ءبىرقاتار ونەركاسىپتىك نىسانداردى ارالاۋ جوسپارلانعان. بۇل - «ۇلتتىق يندۋستريالىق مۇناي- حيميا تەحنوپاركى» ارنايى ەكونوميكالىق ايماعىندا ورنالاسقان پوليەتيلەن جابىندار شىعاراتىن زاۋىت پەن گاز تۋربينالى ەلەكتر ستانساسى؛ «اقتوبە - اتىراۋ - استراحان» اۆتوجولىنىڭ ءبىر بولىگى بولۋى ءتيىستى ورال وزەنىندەگى كوپىر؛ «سيفرلىق قازاقستان» جوباسى اياسىندا جۇزەگە اسىرىلىپ جاتقان «ەمبى مۇناي گاز» ا ق- داعى زياتكەرلىك كەن ورنى.
باقىتجان ساعىنتايەۆ «س پ سارايشىق» ج ش س مال شارۋاشىلىعى كەشەنىنە بارادى، وندا ا و ك دامىتۋدىڭ مەملەكەتتىك باعدارلاماسىنىڭ ىسكە اسىرىلۋ بارىسىمەن جانە اۋىل شارۋاشىلىعى كاسىپكەرلىگىن دامىتۋ بويىنشا قابىلدانىپ جاتقان شارالارمەن تانىسادى.
اتىراۋ وبلىسىنىڭ ستۋدەنت جاستارىمەن كەزدەسۋدە پرەزيدەنتتىڭ بەس الەۋمەتتىك باستاماسىن جۇزەگە اسىرۋ ماسەلەلەرى، اتاپ ايتقاندا، ءبىلىم الۋدىڭ قولجەتىمدىلىگىن ارتتىرۋ جانە ستۋدەنتتەردىڭ جاتاقحاناداعى جاعدايلارىن جاقسارتۋ ماسەلەلەرى تالقىلانادى.
وبلىستىڭ دەنساۋلىق ساقتاۋ جۇيەسىنىڭ قىزمەتكەرلەرىمەن كەزدەسۋ وتكىزۋ جوسپارلانعان. مۇندا سالانى قايتا رەتتەۋ، م ج ءا تەتىگى ارقىلى جەكەمەنشىك مەديتسينالىق قىزمەتتەر سەكتورىن دامىتۋ جونىندەگى شارالار قارالاتىن بولادى.
وبلىستى الەۋمەتتىك-ەكونوميكالىق دامىتۋ، 2018-جىلعا ارنالعان ءوڭىر ەكونوميكاسىنىڭ دامۋىنا ارنالعان ماقساتتى كورسەتكىشتەرگە قول جەتكىزۋ، شاعىن نەسيە بەرۋدى كوبەيتۋ جانە كاسىپكەرلىكتى دامىتۋ ماسەلەلەرى وبلىستىڭ جۇمىس اكتيۆىمەن جانە بيزنەس وكىلدەرىمەن كەزدەسۋدە تالقىلانادى.
ەستەرىڭىزگە سالا كەتەيىك، بۇل بيىلعى جىلعا ەل وڭىرلەرى بويىنشا ءۇشىنشى جۇمىس ساپارى. بۇعان دەيىن باقىتجان ساعىنتايەۆ وڭتۇستىك قازاقستان جانە قىزىلوردا وبلىستارىنا جۇمىس ساپارىمەن بارىپ قايتتى.
