بالا قيالىن قالاي وياتامىز؟

 استانا. قازاقپارات - قيالى ۇشقىر بالالاردىڭ وسە كەلە كەز كەلگەن ماسەلەنىڭ كرەاتيۆتى ءارى جىلدام شەشىمىن تاباتىندىعى جانە قويىلعان ماقساتىنا ءتۇرلى جولدارمەن جەتۋگە تىرىساتىندىعى دالەلدەنگەن.

باستىسى، وسى قيالدىڭ 10 جاسقا دەيىن اشىلۋىنا مۇمكىندىك بەرۋ كەرەك. بالاعا دايىن سۋرەتتەر بەرۋدىڭ ورنىنا ونىڭ ىشكى دۇنيەسىمەن جۇمىس ىستەۋگە مۇمكىندىك بەرگەن ءجون. بالا تەك دايىن نارسەنى قولدانۋشى ەمەس، ويلامپاز بولسىن. سول ماقساتتا قاجەت بولاتىن بىرنەشە كەڭەس ۇسىنامىز. بالانىڭ زەرىگۋىنە مۇمكىندىك بەرىڭىز. ءان، دومبىرا، مەنتالدى اريفمەتيكا سەكىلدى ءتۇرلى ۇيىرمەلەرگە اپارۋ، ودان كەيىن مۋلتفيلم كورسەتۋ -  زاماناۋي اتا- انا بالانىڭ ءار مينۋتىن جوسپارلاپ قويۋعا تىرىسادى. ارينە، ونداعى اتا- انانىڭ ويى -  بالانىڭ ءار ۋاقىت سايىن جاڭا دارىنىن اشۋ. ءيا، بالاعا ءتارتىپ كەرەك، ءبىراق ونىڭ دا ءوز شەگى بار. بالاعا ءار 10 مينۋت سايىن «تاعى نە ىستەسەڭ بولادى» دەپ، نۇسقاۋ جاساماي، كۇن سايىن بالانىڭ زەرىگۋىنە از ۋاقىت بولسىن قالدىرۋ كەرەك. سول كەزدە بالانىڭ ءوزى قيالداپ، تاعى نە ىستەۋگە بولاتىندىعىن ءوزى ويلاپ، جانىنا جاقىن جاتتىعۋدى تاڭدايدى. ءتىپتى، اراسىندا بالانىڭ زەرىككەننەن ءوز- وزىمەن مىسالى، جانۋار ويىنشىقتاردى ءبىر- بىرىمەن سويلەستىرىپ، ويناعانىنىڭ ءوزى بالا قيالىنا كومەگىن تيگىزەدى.

بالا ويىنشىقتارىنان شارشاسا، ۇيدەگى زاتتاردان بىردەڭە قۇراستىرا باستايدى. ول دا بالا قيالىن دامىتۋدا ماڭىزدى ءرول اتقارادى. شىعارماشىلىققا ارنالعان زاتتاردى كوزگە كورىنبەيتىن جەرگە قويماڭىز. كىشكەنتاي كەزىنەن باستاپ بالا ءوز سەزىمىن ءتۇرلى قولدان جاسالعان زاتتار ارقىلى، سونىڭ ىشىندە، سۋرەتپەن كورسەتۋگە ادەتتەنەدى. ءتىپتى، ەڭ قاراپايىم شيماقتىڭ ءوزى، ونىڭ ولشەمى مەن ءتۇسى -  ەڭ جاس وتباسى مۇشەسىنىڭ ەموتسيالىق جاعدايىن كورسەتەتىن قاعاز. بالالار وزدەرىنە جاڭا ءپىشىن، رەڭك جانە ولاردىڭ ۇيلەسىمىن اشادى، ولاردىڭ زەيىنىن تارتاتىن بىردەڭە سالۋعا تىرىسادى. سوندىقتان قارىنداشتار، فلوماستەرلەر، بوياۋلار مەن پاراقتار ءارقاشان كوز الدىندا كورىنىپ تۇرۋى كەرەك. «ەگەر.. ., سەن نە ىستەر ەدىڭ» ويىنىن ويناڭىز. بۇل ويىن بالانىڭ ەركەلىگىنەن الاڭداتىپ قانا قويماي، سيقىرلى ساناسىنىڭ تولىقتاي جۇمىس ىستەۋىنە ىقپال ەتەدى. ول گيپنوزدى سۇراقتاردان جانە بالاما شەشىمدەردى تابۋدان تۇرادى.

 مىسالى: «دالادان يەسىز يت تاۋىپ الساڭ، نە ىستەر ەدىڭ؟ » ، «ورماننان قازىنا تاۋىپ الساڭ، نە ىستەر ەدىڭ؟ » ، «حانشايىممەن تانىسساڭ، نە ىستەر ەدىڭ؟ » ، «سەنىڭ تەرىڭ كوك تۇسكە اينالىپ كەتسە، نە ىستەر ەدىڭ؟ » جانە ت. ب. قوراپتاعى قۋىرشاقتار سپەكتاكلىن جاساڭىز. قوراپقا ۇيدەگى ءتۇرلى زاتتاردى (قاعاز ستاقان، شام، توڭازىتقىش ماگنەتيگى جانە ت. ب. ) سالىپ، بالادان سول زاتتاردى قولدانىپ، تەاتر جاساۋىن سۇراڭىز. قوراپ تۋرالى دا ۇمىتپاڭىز، ول ءۇيدىڭ، ۇڭگىردىڭ نەمەسە ۋاقىت كاپسۋلاسىنىڭ ءرولىن اتقارا الادى.

قۇپيامەن ءبولىسىڭىز. بۇل پروتسەسكە ءسىزدىڭ قوسىلاتىن ۋاقىت كەلدى. بالادان ۇيدەگى كەز كەلگەن ءۇش زاتتى (قۇمىرادان سورەگە دەيىن) تاڭداۋىن سۇراڭىز. ءسىزدىڭ ماقساتىڭىز بالاعا ول زاتتىڭ قالاي كەلگەنىن، قايدان جانە قالاي العانىڭىزدى، نە ءۇشىن ساقتاپ قويعانىڭىزدى ايتىپ بەرۋ. سودان سوڭ، بالادان سول ءۇش زاتتىڭ ورتاق نارسەسى تۋرالى ويلانۋىن سۇراڭىز. بالا جالعىز ءوزى قيالىن دامىتقاننان گورى وعان وسى يدەيالاردى ۋاقىتىلى قولدانۋ ارقىلى كوبىرەك كومەكتەسە الاسىز. بالانىڭ العاشقى جىلدارى -  ونىڭ دامۋىنداعى ەڭ ماڭىزدى ۋاقىت. سول باعالى ساتتەردىڭ ءوتىپ كەتۋىنە جول بەرمەڭىز.

Massaget.kz